Ofisialmente dia 5 di sèptèmber awor ta rekordá ku 60 aña pasá, esta na 1949,
sùrnan di Roosendaal a funda e skol. E tempu ei e tabata un skol pa mucha muhé
so; den boka di pueblo ‘MMS’, Middelbare Meisjes School. Den e promé klas
tabatin apénas 9 mucha muhé. Na 1957 e promé mucha hòmber a keda inskribí na e
skol i gradualmente e kantidat di yònkuman a oumentá. Awor aki e skol tin 983
alumno i e skol a bira un pilá den komunidat. Hopi hende ku awe tin un funshon
klave den komunidat, a bishitá MIL. Den kuadro di e selebrashon di e di 60
aniversario tin un kantidat di aktividat planeá, pero nan ta den un fase di
preparashon ainda pa divulgá muchu detaye awor aki. Loke si a fiha kaba ta ku pa
e siman ku ta sigui e fakansi intermedio, esta di 12 pa16 di òktober benidero,
tin un kantidat di aktividat edukativo i rekreativo planiá bou di ora di skol
pa e aktual populashon di MIL. Seguidamente, pa dia 23 di òktober a programá un
anochi di sena i show espektakular pa generá fondo pa trese mas tantu hende ku a
bai MIL huntu atrobe pa nan rebibá nan momentunan agradabel. Tur èks MIL-yano, tantu
esnan bibá aki mes òf pafó di Kòrsou, ta invitá pa registrá for di awor pa e
evento magnífiko aki atraves di e direkshon spesial
This e-mail address is being protected from spam bots, you need JavaScript enabled to view it
kaminda e promé interesadonan di eksterior tambe a mèldu kaba. Asina ku
tin mas detaye disponibel di e evento di 23 di òktober, lo pone nan mesora na
altura i lo duna publisidat na esei tambe. E skol por a yega un edat respetá,
pero e ta bai ku tempu tambe mirando ku esnan ku den pasado a bai e skol por
registrá di forma moderno atraves di un website
spesial trahá pa e okashon aki ku ta habrí kaba i for di otro siman lo ta
kompletamente operashonal. P’esei ta rekomendá tur èks alumno i dosente pa nan bishitá
e website www.mil60.com aki frekuentemente kaminda lo aktualisá ku sierto regularidat tur
informashon na kaminda pa selebrá 60 aña MIL. Pa e proyekto di un buki di e
di-12 lustro di MIL, a pidi èks alumno i dosente si nan por tin artíkulo i
potrèt for di 60 aña pasá te awe pa fia pa uzo den e buki. Esei tambe nan por
mèldu na e mesun direkshon di mail menshoná
ariba despues di kua lo tuma kontakto ku e persona en kestion.
Comments
