E mainta a wòrdu ofishalmente inougurá pa e diputado di salubridat y asuntunan soshal y energia, señor Humphrey Davelaar.

Fundashon Kòrsou Limpi i Bunita a presentá e plannan di limpiesa pa e luna aki y ta hasi un apelashon na tur hende pa partisipá dia 18 próksimo na bahia Sint Joris di 08:00 te ku 11:00 di mainta. Meskos e siguiente dia 19, na e playa di  Caracasbaai di 07:00 te ku 11:00 di mainta.

Selikor a presentá plannan pa futuro en relashon ku resiklahe y a indiká ke e Kaya di Medioambiente nobo ku ta den konstrukshon pronto lo bira operashonal. Einan por entregá diferente tipo di sushi separadamente, tur esaki por sosodé efisientemente y gratuitamente si tur kos wòrdu surtí na e manera korekto. E materialnan aki lo wòrdu prosesá y resiklá atrobe.

Green Force a ekstendé, pakiko ta importante pa nos tur apoyá resiklahe. Kon por hasi esaki na kas, na skol òf na nos empresanan. Tambe nan a indiká ku for di awor ta posibel pa entrega nos bleki nan di aluminio na un supermerkado lokal, Albert Heijn na Zeelandia, y ku empresanan awor tambe por spònser skolnan pa hasi proyektonan di resiklahe posibel pa nos hubentut. A elaborá bastante tokante posibilidatnan pa resiklahe riba nos isla e konsientisashon ku ta ku tur hende mester partisipá ku e proseso aki.

Antillian Rain Gutters (ARG) a kompartí su eksperensha interesante tokante sertifikashon di edifisionan “bèrdè”, fangumentu  y re-uso di awa y e rol ku resiklahe ta hunga den konstrukshon. Tambe kon re-uso di material ta baha kosto di konstrukshon y limitá uso di energia. Mirando nan bon eksperensha ARG ta lamentá ku a dediká poko atenshon na e manera ku e fábrika di Amstel ta y a wòrdu basha abou.

Pa esnan ku gusta hasi kos nan mes, Amigu di Tera, komo klousura di e mainta, a presentá un manera práktiko y simpel pa kompostá nos sushi biodegradabel. Kompostamentu ta un proseso natural. E produkto final ta bon pa hardin y e ta evitá ku sushi ta resultá innesesariamente na landfill. Ku loke nos a siña aki nos por hasi tur hardin di Kòrsou un hardin bèrdè y bunita, sin ku esaki ta kosta muchu.

Pues nos por bisa ku BPM atrobe a sòru pa un seminario edukativo e informativo den kombinashon ku FKLB i Selikor ku a spònser e ouditorio.

Próksimo luna, dia 6 y 7 di òktober BPM ta organisá un seminario di energia ku e tema “desaroyo y posibilidatnan pa solushonnan duradero na eskala chikitu” pa produkshon di energia pa kasnan y empresanan chikí. Lo tin diferente oradornan invitá, inkluso for di eksterior.

Pa risibí Informashon tokante di esaki entretantu por manda un “mail” pa: This e-mail address is being protected from spam bots, you need JavaScript enabled to view it