Señora Haraksingh no ta deskonosí na Kòrsou pasobra el a tene diferente lektura aki riba tereno di su speshalisashon, esta fuentenan alternativo di energia i mas en espesial energia di solo. For di kuminsamentu di añanan ’90 e tin vários publikashon riba nòmber tokante e tópikonan aki i algun di nan a haña un distinshon. For di 2005 e ta dosente na University of the West-Indies na su isla natal Trinidad & Tobago i den e puesto aki e por dediká mas na investigashon riba tereno di físika relatá na medio ambiente.

Komo orador invitá, djabièrnè awor e lo elaborá riba e retonan kontemporáneo ku nos mes region tambe mester tene na bista. Henter mundu ta konfrontando retonan ku ta parse imposibel pa resolvé. E área di Karibe ta enfrentá kestionnan manera un skarsedat na fuentenan di energia i na awa di bebe, inundashonnan, enseñansa, kontratempu finansiero, gastunan kresiente di komestibel, pobresa, desasternan di naturalesa, falta di ta bon prepará pa desaster, krímen kresiente, etc. Riba esei e lo elaborá mas en ekstenso den su diskurso di honor. Segun Dr. Haraksingh, universidat tin e papel di hunga den e proseso pa aserká e nesesidatnan di e área di Karibe. Na su opinion e universidat tin e tarea pa konsentrá riba edukashon, promové kapasidat, entrenamentu den energia alternativo bèrdè i desaroyo duradero den e region aki. Segun e señora, planifikashon stratégiko i desaroyo di maneho na nos universidat i gobièrnunan ta krítiko pa atendé e reto i nesesidatnan di e region.

Selebrashon di apertura di e aña akadémiko ta aksesibel kompletamente grátis pa un i tur. Ta supliká si pa mèldu di antemano atraves di e-mail pa This e-mail address is being protected from spam bots, you need JavaScript enabled to view it òf yama 844-2108.