| Tiramentu ku morto |
|
|
|
| Monday, 06 September 2010 - 11:55 | |
Djadumingu, 5
di sèptèmber 2010, alrededor di 23.24’or, Sentral di Polis a dirigí un patruya
na Kaya Castellatus pa un kaso di tiramentu. Klik read more pa mas informashon...
Na yegada di e unidat polisial na
e sitio, polis a topa ku un hòmber drumi abou i ku no tabata duna señal di
bida. For di un investigashon preliminar a resultá ku algun outo den kual
tabata tin un kantidat no spesifiká di hòmber lo a kore yega na e kas na Kaya
Castellatus. Na e kas en kestion e hòmber sospechoso R.R.W. tabata huntu ku un dama. Pa un motibu
ku te na e momentu nan aki ta den investigashon a surgi un interkambio di
palabra i tiramentu ku arma di kandela. Resultado di e akto aki ta ku e víktima
ariba menshoná, Steven Sixto Quammie,
nasé na Kòrsou dia 7 di ougùstùs 1991 a
risibí vários impakto di bala na altura di su pechu i pòls i a fayesé na e
sitio. Den serkania di e kas polis a haña un outo Toyota Corolla di start ku
lus sendé.
Alrededor di
23.40’or Sentral di Polis a risibí notifikashon ku un outo a yega Poli di
SEHOS, den kual tabata tin un okupante hòmber, G.M.G.Q. nasé na Kòrsou di 24
aña di edat ku herida di bala na su pechu i man. E víktima su situashon ta di
prekupashon.
A resultá
despues ku e hòmber aki ta ruman di e víktima Steven Quammie.
E hòmber
sospechoso R.R.W. nasé na Kòrsou di 23 aña di edat, alrededor di 23.50’or a entrega su mes na warda di polis Rio Canario
i a keda detené pa mas investigashon.
E dos outonan
ariba menshoná, un bate di beisbòl i e kurpa sin bida di e víktima a keda konfiská
pa mas investigashon. Investigashon den e kaso aki ta kontinuá. |
