Durante di e kampana elektoral ku a kulminá ku elekshon dia 27 di ougùstùs último, partidonan polítiko a uza material di propaganda pa gara atenshon di e votadó. Despues di elekshon kada partido polítiko mester perkurá pa kita tur material di propaganda for di kaminda públiko.

E Ordenansa ku ta regla mantenshon di órden públiko (E.B.O.O.B.G.) den artíkulo 12, insiso 2 ta stipulá ku tur material di propaganda riba òf kantu di kaminda públiko, mester ta kitá pa mas tardá ocho (8) dia despues di elekshon. E mes un Ordenansa aki ta stipulá den artíkulo 71, ku gezaghèber por laga kita e material di propaganda riba gastu di esnan ku no ta tene nan mes na e Ordenansa menshoná.