| Insel Air: Yena un formulario ESTA promé ku dia 7 di sèptèmber 2010 pa nan por biaha pa Estados Unid |
|
|
|
| Friday, 03 September 2010 - 10:40 | |
Pa pasaheronan ku ta biaha pa Estados Unidos ku un paspoort ku tin un US visa Waver mester yena e formulario ESTA promé ku nan biaha. Klik read more pa mas informashon...
ESTA ta un outorisashon elektróniko ku ta obligatorio i ku tur biaheronan prosedente di paisnan ku tin un programa di Visa Waver mester haya pa por biaha pa Merka via Avion, Barku of pa otro medio di transporte riba tera.
E outorisashon pa biaha via di ESTA ta obligatorio for di dia 12 di yanüari 2009. Pero for di dia 8 di sèptèmber 2010 Estados Unidos lo kobra tambe pa kada petishon di ESTA 14 dollar Merikano. Por apliká pa Esta solamente via Internet (online) y
mester paga ku un tarheta di krédito. Pa yena e formulario ESTA
online no tin mester di datonan di bo biahe. E Esta
ta válido pa un periodo di 2 aña of te ku dia bo paspoort kaduká.
InselAir ta konsehá tur biahero ku un paspoort ku ta
kai bou di US Visa Waver I ku tin planesnan pa biaha den e dos añanan benidero pa Estados Unidos, pa yena e formulario ESTA online prome ku dia 8 di sèptèmber 2010 pa prevení ku tin ku paga e kostanan èkstra di 14 dòler Merikano. E website pa registra pa ESTA ta https://esta.cbp.dhs.gov
Biaheronan ku tin mester di e formulario ESTA anto no a buska esaki, por wòrdu nenga di drenta Merka. E formulario ESTA ta hopi
importante pa tur hende ku ta bai biaha pa Estados Unidos y ku
tin e nashonalidat Hulandes, inklusivo habitantenan di Aruba,
Bonaire, Kòrsou y St. Maarten. Biaheronan di otro destinashonnan di
InselAir mayoria bia tin mester di un Visa pa drenta Estádos Unidos. Pa mas informashon con pa apliká pa un Visa por wak riba internet na
www.state.org.
Pa mas informashon: Us Customs and Borders Protection wepsait www.cbp.gov of bishita nos wepsait www.fly-inselair.com |
