| Sint Maarten ta pasando den un mainta sumamente muha |
|
|
|
| Monday, 30 August 2010 - 10:17 | |
Horkan Earl,
apesar ku ta alehando di e isla di Sint Maarten, ta fayando rafaga di bientu y
awa, y ta kompletamente sin koriente. Fuera di esei tin un huma pretu riba un sierto
área di Sint Maarten ku ta di e dùmp, hasiendo respirashon pa e habitantenan
den e besindario algu hopi imposibel. Klik read more pa mas informashon...
Tin un toke de keda, kaminda no mag di kana
riba kaya. Polisnan den burger ta riba un standby pa loke ta trata mantené lei
y órden di e lugá. Pero Inisialmente, nada no por wòrdu hasi te ku e horkan
pasa. Te ku asina leu ku nos por tende for di radio Laser 101, huntu ku e demas
radionan ku ta tene tur hende na altura di updates, e horkan ta alehando for di
Sint Maarten, pero tòch, lo haya hopi bientu y áwaseru. Pa loke ta trata e isla
di Saba, nan ta ekspresando hopi awa y bientu tambe. Naturalmente esei ta di
spera den e kasonan asina. Habitantenan ta den nan kas, pa asina laga tur kos
pasa pa kuminsá ku e parti di mas importante ku ta e limpiesa di e lugá. Te
awor aki, e rabu di e horkan ta pasando y awor nan ta sinti loke ta e aftermath
di e horkan. E wowo mes no a hasi gran kos, pero awor, nan ta sinti loke ta e konsekuensianan
di e rabu. Nos lo keda pendiente pa mas updates riba horkan Earl.
|
