den un asina yamá ‘konvenio di stipulashon’ (‘vaststellingsovereenkomst’) a yega na e siguiente palabrashonnan:

-       Ta suspendé nombramentu di e dekanonan na AF i SEF pa maksimalmente un luna, esta te mas tardá dia 1 di òktober awor.

-       Kuminsando djabièrnè mainta dia 27 di ougùstùs  awor gerensia di UNA i e sindikatonan ta papia ku otro, primeramente pa postulá hòmber òf muhé sabio pa un komishon ku ta bai evaluá e nombramentu di dekano na AF i SEF.

-       Denter di dos siman e komishon ta produsí un konseho motivá tokante e mihó kandidatonan pa e Rector Magnificus.

-       Despues, konforme LUNA, e Rector Magnificus ta tuma su desishon enkuanto nombramentu di e dekanonan. Si akaso e Rector no ta sigui e konseho ku el a haña, e lo hasi esaki segun su konsenshi i bon argumentá.

-       Den e periodo aki partidonan ta dialogá por lo ménos dos be pa siman kada be dos ora ku otro tokante puntonan di interes, loke ta habri kaminda pa señalá puntonan di doló i pa trese nan dilanti den tur sinseridat.

-       Te dia 1 di òktober tantu gerensia di UNA komo e sindikatonan i nan miembronan na UNA ta apstené di duna informashon unilateral na medionan di komunikashon. Ta duna informe na medionan di komunikashon solamente ora tur dos banda duna nan aprobashon – manera den kaso di e komunikado aki.

-       E sindikatonan i nan miembronan a konsentí pa te dia 1 di òktober no pone niun forma di akshon kontra UNA, e Rector òf e Hunta di Supervishon di UNA.

-       Retiro di Rector òf e miembronan di e Hunta di Supervishon di UNA no ta forma niun punto di diskushon.

Wes te ainda no a duna niun veredikto den e wisio sumario aki. Tratamentu di e kaso a keda suspendé pa tempu indefiní. Si surgi e nesesidat, gerensia di UNA por pidi pa habri e wisio sumario bèk sin tin nodi di entregá un petishon nobo. Ambos partido ta antisipá un resultado positivo di e palabrashonnan aki.