Ya a habrí posibilidat pa nominashon pa ku e programa TOYP. Lo rekonosé e trabounan ehemplar di e hóbennan den 10 diferente kategorianan manera entre otro, negoshi, liderazgo, medisina, sosial kultural pa nombra algun.

Ku e programa TOYP, JCI Dutch Caribbean ta rekonosé hóbennan entre 18 y 40 aña di edat ku ta resaltá riba nan tereno di ekpertísio i ku ta ehemplar dor di tin tur e karakterístikanan di e hóbennan di mundu. Dor di rekonosé e hóbennan aki, JCI Dutch Caribbean ta enkurashá nan i otronan pa buska kaminda pa ekselensia i sirbi nan komunidat. Esaki ta un manera di JCI Dutch Caribbean pa krea mihó lidernan ku lo yuda sigur na krea un mihó komunidat, tabata palabranan di  Sr. Dave Martinus, Presidente Nashonal, di JCI Dutch Caribbean. “Nos kier pa nos islanan ta bon representá den e programa internashonal aki cu ta duna honor na hóbennan ku ta krese den nan area. Nos sa ku nos hóbennan eksepshonal por actua komo “rolemodels” pa otro hóbennan rònt mundu”

Si bo sa di hóbennan ehemplar, JCI Dutch Caribbean ta enkurashabo pa nominá nan pa e “JCI Dutch Caribbean Outstanding Young Persons of the Year 2010 Award”, Sr. Dave Martinus a bisa.

For di e nominashonnan ku JCI Dutch Caribbean risibí lo honra 3 hoben ehemplar ku lo partisipá outomátikamente pa e “International TOYP Program” ku lo tuma lugá otro aña durante e JCI World Congress na Bèlgika, kaminda tur nan logronan lo keda presentá durante di un entrega di premio.

Pa nomina un persona pa e TOYP Award i pa haya mas informashon por tuma kontakto ku JCI Dutch Caribbean na This e-mail address is being protected from spam bots, you need JavaScript enabled to view it of yama +297 5643577. Tambe por bishita nos facebook page. E último dia pa entrega e formulario di nominashon lo ta dia 19 di Sèptèmber 2010.

JCI ta un komunidat mundial di lidernan hóben I aktivo di 18 pa 40 aña ku ta dediká na krea e kambio positivo ku nan ta deseá di mira den nan mes i tambe na mundu.