|
Gobičrnu ta garantisá kontinuidat di deporte na Kňrsou |
|
|
|
|
Friday, 20 August 2010 - 13:55 |
Servisio di Komunikashon i Informashon ta informá ku resientemente e debe akumulá di Federashon Fasilidatnan Deportivo Kòrsou (FFDK) na Aqualectra di koriente i awa na rason di aproksimadamente fl. 1.3 a wòrdu kanselá dor di Gobièrnu di Kòrsou. Klik read more pa mas informashon...
Manera ta konosí, FFDK ta responsabel pa eksplotashon di e.o. Stadion Johnny Vrutaal, Rif Zwembad i Sentro Deportivo Kòrsou. Pa un temporada largu tabatin inklaridat tokante un posibel solushon di e debenan akumulá dor di e fundashon en kestion. Despues di diferente seshon di interkambio entre Diputado di Enseñansa, Kultura i Deporte sra. Marilyn Alcalá-Wallé i e órganonan enbolbí manera servisio di kultura i edukashon, Afdeling Financiën, SEDREKO i FFDK a yega na un solushon pa kanselá e debe di manera ku FFDK por sigui riba un base sano. FFDK ta e kompleho deportivo nashonal di Kòrsou kaminda tur e diferente evenementunan deportivo ta tuma lugá i komo tal gobièrnu di Kòrsou ta duna su kontribushon pa garantisá e infrastruktura básiko pa por rekreá i praktiká deporte na Kòrsou. Aworakí gobièrnu ta hasiendo e trámitenan pa oumentá e supsidio anual di FFDK pa e por kubri e gastunan di awa i koriente. Alabes ta bai sera un akuerdo direktamente ku FFDK entrante 2011. Te ku e aña aki FFDK ta reportá bou di SEDREKO. Ku e stap di laga FFDK kai direktamente bou di gobièrnu por garantisá ku FFDK ta kumpli ku e ordenansa di supsidio di 2007, kaminda e fundashon saliendo for di prinsipionan di bon gobernashon ta risibí supsidio na un banda pero tambe ta duna kuenta i rason di e supsidio risibí di parti di gobièrnu. Ku e paso aki diputado Alcalá-Wallé ta konvensí ku tin e garantia ku nos deportistanan i rekreantenan tin e infrastruktura nesesario pa sigui práktika deporte.
| Comments () >> |
 |
 |
