| Tiramentu ku morto |
|
|
|
| Wednesday, 18 August 2010 - 20:38 | |
Djarason 18 ougùstùs
2010, alrededor di 00.45’or Sentral di Polis a dirigí un patruya na Saturnusstraat
pa un kaso di tiramentu. Na e sitio e patruya a bin topa ku un hòmber ku herida di
bala na su kurpa ku no ta duna señal di bida. Klik read more pa mas informashon...
For di un investigashon preliminar
a resultá ku pa un motibu ku te na e momentunan aki ta deskonosí, un outo pretu mester a pasa dilanti di e kas
di e víktima ku na e momento ei tabata sinta den balkon di e kas i tira riba dje. E víktima Heinrich Orestes Trapenberg nasé na Kòrsou, 13 desèmber 1956, a risibí
vários herida di bala ku e konsekuensia ku e la bin fayesé na e sitio mes.
Dòkter di polis
a konstatá morto di e víktima.
Riba
instrukshon di fiskal di Ministerio Públiko a konfiská e kurpa sin bida di Heinrich
Trapenberg pa mas investigashon.
Departamentu di
Reshèrshi ta kontinuá ku e investigashon.
Teps:
Ta supliká tur
persona ku ta kere ku nan tin informashon riba e kaso aki, pa pasa e
informashon aki pa Reshèrshi via di numbernan 866-6218 / 866-6219(ora di kantor) òf 911 (24 ora pa dia).
Number anónimo: 108 (e number aki ta duna tur garantia di anonimidat). |
