Rector Magnificus Dr. Miguel Goede a aserká Mediadó di Gobièrnu Alfeo Profas pa trese partidonan di UNA mas serka di otro. Klik read more pa mas informashon...

– kontra nombramentu di dekano nobo no tin un influensia negativo riba kuminsamentu i kurso di e aña akadémiko 2010-2011.

E Rector ta dispuesto pa hinka tempu i atenshon èkstra na e relashon di trabou ku e dos fakultatnan aki. Atraves di e mediadó e ke logra ku por garantisá un situashon kaminda por sigui traha durante e aña akadémiko. Protesta di parti di e fakultatnan aki kontra nan dekano nobo, segun e Rector, lo no mag stroba enseñansa. Entrante e siman binidero Mediadó di Gobièrnu lo deliberá ku partidonan pa duna e aserkamentu aki chèns pa produsí un resultado positivo.

Akreditashon

Na opinion di e Rector, innesesariamente ta laga e asuntu aki eskalá dor di bini kada bes ku otro i mas eksigensia i entretantu hasta ku eksigensia irasonabel. Personal di e dos fakultatnan aki, representá pa e hunta di fakultat, djaweps a eksigí atraves di medionan di komunikashon pa e Rector baha, pa e Hunta di Supervishon baha i pa hala aden e desishonnan pa nombra e dekanonan. E protesta di parti di e personal

ta tuma lugá apesar di e echo ku e Rector den su konsiderashonnan a kumpli pa gran parti ku e deseonan di e Fakultat General (AF) i e Fakultat Sosial Ekonómiko (SEF), manera nan a trese dilanti den nan konseho enkuanto e nombramentunan.

Na e Fakultat General nan a insistí pa renombrá dekano Dr. Liesbeth Echteld, ku tin 4 aña den e funshon kaba, pa algun luna mas di moda ku e por finalisá e proceso di akreditashon ku ta andando. E Rector a tuma e punto di bista ei seriamente na konsiderashon i a bai di akuerdo kuné. Pero awor aparentemente esei no ta suficiente pa un parti di e kuerpo di dosente. Nan ke awor pa nombra señora Echteld tòg atrobe

pa un aña kompleto mas.

Na e Fakultat Sosial Ekonómiko tabata eksistí e temor ku nan akreditashon lo a kore peliger, entre otro pasobra na e fakultat aki señora Jeanine Cozijns-Isenia ta trahando komo eksperto riba asuntu di akreditashon te fin di aña. Sinembargo, e ta tambe e kandidato pa bira dekano na e Fakultat General. Teniendo kuenta ku e deseonan ku ta biba na SEF, e Rector a regla pa señora Cozijns keda te fin di aña na SEF pa kaba su enkargo i ta despues numa e ta bira dekano na AF. Ademas, despues di su dekanato na AF e ta keda disponibel pa e proseso di akreditashon na SEF.

Un punto kaminda e Rector no a bai di akuerdo ku e konseho di AF i SEF ta nan deseo ku e mester nombra un hende di paden di e fakultat komo dekano. El a preferá su mes kandidatonan pa forma e tim di maneho, loke pa lei ta su derecho tambe. E eksigensia di e personal no tin niun base i pa e nombra un dekano ku ta bini di afó kontra konseho di e hunta di fakultat, no ta algu nobo tampoko. Esei a sosodé tambe na 2005 na e Fakultat Hurídiko i e tempu ei e hunta di fakultat a aseptá.

Salida

Sinembargo, parti di e personal di e dos fakultatnan en kestion ta mira e nesesidat pa atraves di medionan di komunikashon eksigí pa e Hunta di Supervishon, e Rector i e dekanonan nobo baha. Pa evitá ku e aktitut di e empleadonan aki di AF i SEF ta eskalá

– kaminda enseñansa pa e studiantenan posiblemente lo sufri – e Rector a entablá e proseso pa laga Mediadó di Gobièrnu buska un salida for di e situashon aki.