Teniendo na kuenta e situashon ku hopi kas di famia ta pasando aden i ku hopi mucha no ta logra yega na nan rekisitonan di skol ku ta nesesario manera pen pòtlot ets, Movementu Futuro Kòrsou pa medio di su kandidato number 3 Jorge Jamaloodin ta saka un man di yudansa.

A skohe pa no duna pèchi komo material di propaganda di MFK pero duna etuí na nos muchanan.

MFK sa ku e ta chikitu den e kantidat di materialnan pa skol ku nos muchanan tin mester, pero kada granito sigur lo yuda. I nos ke kontribuí ku mil mucha. E úniko eksigensia ta ku e mayornan mester proba ku nan ta kobra ònderstant i tambe mester presentá ku identifikashon di e yu ku e ta inskribí na skol.

Lo parti e etuínan awe djarason 4 di ougùstùs di 10 or di mainta pa 2 or di mèrdia na sede di MFK den Saliña pega ku Studio 99.

MFK di e forma aki un biaha mas ta pone ehekushon tras di nan lema esta “mas serka di bo” i ku futuro di nos hóbennan dilanti sigur lo logra un pais Kòrsou mihó pa un i tur.