E patruya ku a yega na sitio a haña un hòmber ku a deklará na polis ku el a kaba di ser atraká pa  tres (3) hòmber i ku a herid’é. Un konosí di dje  a hib’é poli pa tratamentu.

For di un investigashon preliminar a resultá ku e víktima alrededor di 02.00’or  a sali su kas pa bai kumpra pan na un trùk di pan ku ta keda den bisindario. En bista ku e trùknan di pan tabata hopi drùk, e víktima a disidí di bai kas bèk. Ora el a yega kas el a keda sorprendí pa tres hòmber armá ku a bula e muraya di su kura di kas. E hòmbernan a punta  nan arma riba dje. Mesora e víktima a hinka su outo den ‘reverse’ i kore ku un velosidat  haltu ku konsekuensia ku el a pèrdè kontròl riba e vehíkulo i dal esaki  kontra di e muraya di kura. Na mes momento e sospechosonan a kana bini riba dje, sak’é for di e outo, puntr’é pa sèn i maltrat’é ku arma di kandela, buska den su saku di karson i kue su pòtmòni ku ta kontené su reibeweis, sédula, pas di banko i buki di chèk bai kuné.

Atrako Tim ta kontinuá ku e investigashon.