Na: Gezaghebber sra. L. Dindial

Concordiastraat 24

Per Fax # 461-1213

Willemstad, 1 Ougùstùs 2010,

Apresiable sra. Gezaghebber Dindial,

Gobièrnu mester kuida interesnan di Pais i pues interesnan di tur siudadano. Esei ta impliká un responsabilidat pa ku diferente sektor meskos ku ekonomia, hustisia, enseñansa y otro karteranan, tambe mester kuida nos teritorio anto den kaso espesífiko esun aéreo.

P’esei mi ta hasi uso di artíkulo 37 di reglamentu di órden i aserka Bestuurscollege ku e siguiente opservashonnan i preguntanan:

Tumando nota di e diferente dokumentonan di e ministerio nobonan nos por a tuma nota ku e gobièrnu aktual ta lubidando di menshoná na nos i nos pueblo ta kon nos espasio aéreo ta bai bira despues di 10 di òktober 2010 i nos ke sa esaki promé ku elekshon di dia 27 di ougùstùs 2010.

Pa e motibu aki nos tin e siguiente opservashonnan i preguntanan:

 

2.          Ken lo kobra entradanan di e zona di pais Kòrsou ku ta drenta via di IATA?

 

3.          Ta bèrdat ku tin intenshon di konsiderá e zona aéreo komo e zona aéreo di Reino Hulandes anto NO esun di e PAIS Kòrsou nobo ku ta bai nase?

 

4.          Si ta bèrdat ku esaki lo ta asina esei lo nifiká ku kompanianan establesé na Hulanda lo bira kompanianan nashonal ku tin derecho di buelo for di Kòrsou pa otro destinashonnan?

 

5.           Kon ta pará ku e kompanianan lokal ku ta empleá masha hopi yu di tera, ku danki na e interes den Karibe i regio pa ku nos isla ta garantisá nos kuponan di trabou pa nos poblashon danki na turismo i e trabownan ku ta surgi danki na e moveshon na nos aeropuerto nashonal?

 

6.            Gobièrnu di Kòrsou ta konsiente ku na Hulanda e porsentahe di desempleo a subi riba 5%, anto ku si kompanianan Hulandes lo bira outomátikamente kompanianan nashonal, kuponan di trabou lokal lo wòrdu buta na peliger paso simplemente nan lo empleá nan hendenan na momento di e negoshi nobo for di Kòrsou nase?

 

7.             Si no regla e espasio aéreo na e manera korekto un kompania manera KLM/Air France lo haña un teritorio outomátikamente mas grandi adishonal na momento ku Pais Kòrsou bira pais dor ku no a regla nos espasio aéreo na drechi?

 

8.              Kiko lo para di kompanianan nashonal manera Insel Air, Tiara Air, DAE, Divi Divi Air i otronan ku ta establesé akinan pa por kumpli ku un nesesidat di nos isla su konekshonan ku mundo, anto mañan lo haña nan ku kompanianan mònster ku lo haña mesun derechi ku esnan lokal pa bula tur ruta inter-insular i internashonal for di Pais Kòrsou?

 

9.               Nos lo kier haña tur dokumento ku ta indiká presis ta kiko a negoshá pa ku espasio aéreo

 

10.            Si ta asina ku kompanianan hulandes lo hanja derecho outomatikamente pa bula den nos espacio aereo paso e gobierno aktual a entrega nos espacio aereo tambe, kompanianan lokal tambe lo por kuminsa bula for di schiphol i mobilisa riba e merkado europeo?

Ta imposibel ku un isla ta pasando den un proseso pa a gana mas outonomia anto tur dia di nobo e dokumentonan ta indiká nos ku mas i mas podernan legislativo lokal ta wòrdu entregá ora e pais bira PAIS Kòrsou nobo.
Nos por a tuma nota kaba tambe ku e Minister Demishonario na Hulanda a haña su pastechi kaba, i lo forma parti di staf nobo di KLM/Air France i no ta un sekreto nashonal ku na diferente okashon e mandatario Hulandes a indiká ku e espasio aéreo lo por wòrdu kompartí ku esun di e islanan BES ku lo kai bou di esun di Hulanda.
Dia pa dia nos ta komprondé mas i mas dikon partido PAR te dia di awe no a duna rèspèt na e pueblo di Korsou i bai un ofisina di notario anto kambia nan nòmber di Partido Antia Restrukturá den simplemente P.A.R. . Esaki ta indikativo paso mas bo lesa tur e dokumentonan ofisial ku ta redundá kon e pais ta bai bira e ta un Pais outónomo fiktisio solamente riba papel ku lo nase den Statüt, pero mas aleu ku un deber di kuida i guia tur e otro islanan manera semper tabata ta den e struktura di Antia.
Nos ta spera di haña kontesta riba nos preguntanan den un lapso di tempu kòrtiko mirando e embergadura di e tema, i e importansha di e proseso nashonal ku nos di MFK sí lo kuida bou di tur sirkunstansha.

Comments (0) >>