| Candy Dulfer i David Sanchez den un sax-up pa Curacao North Sea Jazz Festival 2010 |
|
|
|
| Thursday, 29 July 2010 - 12:18 | |
Den e siman promé ku curaçao north sea jazz festival di dianan 3 i 4 di
sèptèmber 2010 e saksofonistanan mundialmente konosí David Sánchez i Candy Dulfer lo duna konsierto na nos isla. Klik read more pa mas informashon...
Den pasado kaba organisashon di festival
a anunsiá un konsierto grátis di e leyenda di salsa alberto barros na plasa
brión (awasá). Candy dulfer & band lo duna una presentashon djárason
1° di sèptèmber na mambo beach. David sánchez djaweps 2 di sèptèmber na lanthùis
brakkeput mei mei.
Candy dulfer ta un
strea internashonal ku pasport hulandes. El a desaroyá for di edat hóben komo
un solista ku grasia i tambe komo lider di banda. Su último álbum dòbel ‘funked
up & chilled out’ ta laga bo skucha presisamente pakiko dulfer ta kosechá
internashonalmente tantu éksito. E ta toka ekstremadamente funky i e ta
kolekshoná semper un banda superior rònt di dje. Zomer a pasa?
Lubidá lòs bo kabei i bin baila huntu ku candy na mambo beach.
E krítikonan ta
sinti nan mes líriko ora ta papia di e saksofonista david sánchez.
Mientrastantu ya el a akumulá 5 nominashon pa grammy® awards riba su nòmber. Su
álbum ‘coral’ a gana el latin grammy pa e mihó álbum instrumental na aña 2005.
Sánchez ta kombiná su asina yamá zonido skèrpi di e straight ahead jazz ku
influenshanan afrikano, afro-kubano y karibense. El a presentá anteriormente ku
entre otro paquito d’rivera, dizzy gillespie i pat metheny. Lanthùis brakkeput
mei mei ta e ambiente ideal pa un konsierto armonioso di e maestro saksofonista
akí.
Informashon
Candy Dulfer & Band
Fecha: djárason 1° di sèptèmber 2010
Ta kuminsá:21:00 ‘or
Lokalidat: Mambo Beach, Curaçao
Entrada: Nafl. 25 (eksl. Impuesto i gastunan di
servisio)
David Sánchez
Fecha: djaweps 2 i sèptèmber 2010
Ta kuminsá:21:00 ‘or
Lokalidat: Brakkeput Mei Mei, Curaçao |
