| Gerrit Schotte: Ken ta responsabel pa Turismo di Korsou e ehekutivo |
|
|
|
| Thursday, 22 July 2010 - 12:42 | |
3
di Mei último mi persona a dirigí un karta na gobièrnu komo miembro di
eilandsraad atraves di gezaghebber di Kòrsou hasiendo diferente
pregunta na e gobièrnu aktual di PAR/PNP i FOL referente e krísis den
turismo ku ta vislumbrando, i te dia di awe mi no a haña kontesta riba
e karta aki. Klik read more pa mas informashon...
Pa
e último lunanan Hotèlnan na Kòrsou nan porsentahe di okupashon a baha
drástikamente i si akaso nan tin okupashon mes awe ta basa riba
preisnan bou di porta hasta na preis di kosto. Miéntras tur esaki ta
sosodé e pais na kaminda e pais Kòrsou te dia di awe ta wardando riba e
Maneho Energétiko/kolchon sosial ku e gobièrnu aktual di Kòrsou a
primintí e poblashon riba dia di Mama na 2008.
Esaki a nifiká pa e industria di hospitalidat subida di kosto di hasi negoshi kontra un bahada di turismo basa riba un maneho robes hiba pa e último 3 aña i mei. Kòrsou a bin ta prepará for di 2005 un maneho kaminda a habri kaminda pa proyektonan nobo establesé nan mes na Kòrsou den e industria hotelero, tambe hotèlnan aktual a ahustá nan mes na e momento i a kuminsá upgrade nan fasilidatnan, otronan a kambia di bandera internashonal pa asina por akapará e momento di e “ boom” di turismo anto awe ora e intenshon di a dòbel e kapasidat di kamber di lokual tabata tin, e gobièrnu aktual su maneho turístiko no por ni garantisá e fasilidatnan hotelero aktual un porsentahe satisfaktorio pa e industria ekonómiko aki, paso ta pretendé di hasi e mes trabou di 4 aña pasa awe ku mesun tantu sèn. No lubidá pueblo ku e Diputado enkargá ku turismo ta e presidente di e fundashon ku ta indiká e maneho pa kon turismo ta wòrdu hiba den nos pais, anto despues di reunion ku ta wòrdu tene den e hunta aki, e ehekutivonan ta implementá e desishonnan ku e hunta ta tuma. Kon por ta ku turismo ta kayendo na sifra i esun ku ta deliniá e maneho ta laba su man ku e solo hecho di ta pretendé di atendé e situashon basa riba un maneho ku tabata klòp na aña 2005 òf 2006 òf porta hasta 2007 pero 2008 / 2009 i awe 2010 ku e situashon ekonómiko mundial, no por tin un maneho di 4 aña pasa te ainda ta vigente òf ta wòrdu apliká. Airlift pa a garantisá entrada di sufisiente pasahero riba nos isla pa asina por yena kambernan di Hotèl na Kòrsou a laga di deseá for di 2007 bin ariba. Den pura a kore anunsiá un charter fantasma via di repúblika Dominicano for di Europa pa pretendé ku trabounan ta wòrdu hasi pa asina garantisá kuponan di trabou den e industria aki. Pueblo komprondé ku e polítiko di Semper lo sigui atendé di e manera tradishonal ku tur lokual ta regarda nos Futuro anto simplemente lo aktivá un par di luna promé ku elekshon pa aparenta ku el a traha durante henter su tèrmino, siendo ku ta último 3 luna pura pura ta pretendé di traha un kaminda pa yega Roma. Awor e krísis den turismo a eskala te den Ofisina di Turismo kaminda ku enkargo pa eliminá miembronan di direktiva di ofisina di turismo a wòrdu ninga di wordu kumpli i awe esaki a eskala na retiro boluntario di direktora di ofisina di turismo. Mirando ku esaki a redunda e ora ei ku no a eliminá e otro dos miembronan di e direktiva, a bai over na ofresé nan otro puesto den ofisina di turismo òf otro funshon eksterno den otro departamentu den gobièrnu. I tur esaki pasobra ke krea espasio pa amigunan bin dirigí e toko di turismo manera nan haña ta bon. Pero nos tin un mal notisia paso mihó tuma e tempu nesesario pa atraé e direktor o direktora nobo anto no kere ku ta bai kore nombra promé ku elekshon good friends den puestonan haltu ku ta wòrdu krea despues ku ta laga kabes di mama o tata di famia lora pa kier i afán di un polítika antikuá i tradishonal (kita te tu pa ponerme yo) Lamentabel ku awe ante retonan importante kaminda un pais nobo tin ku nase e supuesto arkitektonan di e struktura ta kana rònt ku e mesun maneho ku a hiba nos den e situashon di e debakel finansiero ku pais Kòrsou tin ku karga awe. Pueblo no lubidá ku ta nos sèn di belasting (25 Mion florin) ta wòrdu manda pa ofisina di turismo pa sierto hendenan disidí abase i tin ora hasta kontra reglanan di kontabilidat stipulá den nos pais kon ta gast’é òf kon ta dispidié. Nos ta alerta i lo vigilá e situashon den ofisina di turismo ku wowonan di falki paso ke ruim op 3 miembro di direktiva cueste lo que cueste promé ku fecha di elekshon pa krea 3 stul pa amigu ku lo dirigí e ofisina na nan manera. Gobernashon mester ta mas serka di pueblo anto simplemente ante un pais nobo den preparashon e transformashon no ta resultá den un kambio riba papel pero sino den aktitut di gobernashon. |
