Un outo di famia ku dos okupante aden tabata kore riba Gosieweg bayendo direkshon di Brievengat, ora ku e shofùr na dado momento mester a pega soño ku konsekuensia ku e outo a kita for di kaminda i dal den un palu di mata.  Shofùr di e outo, e dama  Magda Modesta Blanken – Nicolaas, nasé na Kòrsou, 12 di yanüari 1963, a risibí  leshonnan grave na su kurpa i a fayesé na e sitio. E otro okupante, e dama J.D., a sufri leshon na su pia drechi i na su boka. El a wòrdu transportá ku ambulans pa Poli di St. Elisabeth na unda despues di tratamentu el a keda interná pa opservashon. Su situashon ta stabil.