| BE Simon Bolivar di Venezuela a drenta haf di Korsou |
|
|
|
| Monday, 19 July 2010 - 12:29 | |
Un
dia mas tempran ku tabata planiá, e barku di treinen di marina di
Repúblika Bolivariano di Venezuela, "BE Simon Bolivar" ta hasi su
entrada den bahia di Santa Ana. Klik read more pa mas informashon...
E entrada aki tabata hopi mahestuoso,
ya komo ku segun e barku tabata drenta nos haf, e kadetenan tabata para
den "tenue" riba e mast di e barku pa asina saludá komunidat di Kòrsou.
"BE Simon Bolivar" lo keda den haf di Kòrsou te ku djaluna 19 di yüli i
lo ta mará na Matheywerf na Otrabanda. Riba djasabra 17 i djadumingu 18
di yüli komunidat lo por bishitá e barku.
Durante e parti protokòl di risibimentu di e barku tabata presente kònsùl di Venezuela señora Lic. Sonia Alavarado Rossel i Presidente di Curacao Sail Foundation señora Lic. Lucky Ezechiëls i e ofisial di enlase. Durante e akto di bon biní na bordo Komandante di BE Simon Bolivar komandante Ramon Antonio Costero Corona a risibí e diferente personahenan i a gradisí nan pa e invitashon i e hospitalidat durante nan bishita na Kòrsou. Despues di esaki a sigui ku un rekorido riba e barku kaminda e invitadonan por a sera konosí ku e barku. "BE Simon Bolivar" tin tripulante a bordo. Tremendo Ban Topa Entrante djasabra 17 di yüli di 1’or di mèrdia pa 9'or di anochi, i riba djadumingu 18 di yüli di 11'or di mainta pa 5'or di atardi e barku lo ta habri pa públiko. Durante e dos dianan aki Curacao Sail Foundation huntu ku POLAR a organisá un tremendo Ban Topa, durante kua lo tin presentashon di diferente grupo musikal. Kusters Trading lo tin tambe presentashon di diferente di su produktonan i di mes POLAR i Nestlé lo tei ku nan promoshon. E programa di djasabra 17 di yüli ta lo siguiente: - di 1.00'or pa 3.00'or mèrdia presentashon di Daiquiri Band; - di 3.00'or pa 3.30'di atardi or presentashon di Universal Brass; - di 3.30'or pa 4.00'or di atardi presentashon di Kor di Venezuela; - di 4.00'or pa 4.30'or di atardi presentashon di Universal Brass; - di 4.30'or pa 6.30'or di anochi presentashon di Future Band; - di 7.00'or pa 9.00'or di anochi presentashon di Happy Peanuts. E programa di djadumingu 18 di yüli ta lo siguiente: - di 12.00'or pa 2.00'or di mèrdia presentashon di Rhyddm; - di 2.30'or pa 3.00'or di atardi presentashon di Universal Brass; - di 3.45'or pa 4.15'or presentashon di Kor di Venezuela; - di 4.15'or pa 4.45'or di atardi presentashon di Universal Brass; - di 4.00'or pa 4.30'or presentashon di Daiquiri Band; - di 5.00'or pa 7.00'or di anochi presentashon di GIO Fuertisimo. Pa medio di esaki, Curaçao Sail Foundation, POLAR i tambe Komandante di "BE Simon Bolivar" ta invitá henter komunidat pa bin sera konosí ku e barku di treinen Venezolano aki i partisipá i presensiá e diferente presentashonnan ku lo tin durante e 2 dia di bishita di "BE Simon Bolivar". Entrada ta grátis.
|
