| Gobierno ta inougura 58 Kaya den barionan parti pariba di Korsou |
|
|
|
| Monday, 19 July 2010 - 11:53 | |
Servisio
pa Komunikashon i Informashon ta partisipá ku resientemente Gobièrnu di
Kòrsou den persona di diputado di Enseñansa, Kultura i Deporte sra.
Marilyn Alcala Wallé huntu ku Komishon Nòmbernan di Kaya, a inougurá un
total di 58 kaya den barionan parti pariba di nos isla. Klik read more pa mas informashon...
Ta trata aki di
barionan manera Montaña Bou, Kwartje, West Chincho Grandi, Soledad,
Soledad bij Janboos, Janboos, Oude Water, Speranza Ariba i de Klundert
kaminda habitantenan pa hopi tempu tabata usa nòmber di e bario komo
nan adrès i ku for di awor por tin un adrès úniko.
Temanan skohé pa e nombramentu tabata yerba i spesereinan ku nos ta usa aki na Kòrsou i tambe nòmbernan usá den Mitologia Griego i Romano. E temanan aki ta bisa hopi di e kustumbernan ku nos grandinan tabata tin ántes. Nan tabata usa yerbanan i spesereinan kontra diferente malesa òf tin biaha simplemente pa e bon desaroyo di nan famia. Nan mes tabata kultivá nan i tabata sa tambe tur e diferente nòmber i nifikashonnan. Den Mitologia tambe nos a yega di tende di loke hende tabata kere aden ora nan no por a rasoná riba un sierto suseso. Nan tabata gara na kualke historia, suseso òf figura. E teoria aki ta trata kerensianan i opservashonnan ritual kaminda hende tabata identifiká su mes i su situashon ku kualke historia kontá den e tempu ei. E inougurashon aki sigur ta un momentu históriko pa Gobièrnu di Kòrsou i Komishon Nòmbernan di Kaya ya komo ta promé biaha ku un total di 58 kaya den un solo inougurashon a risibí un adrès úniko. Ta trata aki di e proyekto di mas grandi den e historia di nombramentu di kaya. Gobièrnu di Kòrsou ta sigui ku e trabounan pa nombra kayanan riba nos isla ya komo ta un kontribushon grandi na desaroyo i konosementu di nos pueblo. Kada bario ku risibí su nòmbernan i su adrèsnan úniko, lo ta manera un buki ku informashon wardá ku nos por siña hopi afó. E informashonnan i splikashonnan mará na e nombramentu aki i su respektivo temanan lo ta optenibel for di otro siman den forma di un buki chikí na Sentro di Bario Montaña i despues tambe na Biblioteka Públiko. Informashonnan tokante yerba i speserei ta saká for di e buki “Afrikantje en 99 andere kruiden” di sra. Dinah Veeris. |
