| Tres partido a logra hana sufisiente sosten pa por partisipa na elekshon Konseho Insular 2010 |
|
|
|
| Monday, 19 July 2010 - 11:29 | |
Servisio
pa Komunikashon i Informashon ta partisipá ku despues di dos dia di
posibilidat pa sostené lista, 3 partido a haña sosten di mas ku 745
persona pa por partisipá na e siguiente elekshon. Klik read more pa mas informashon...
Esaki ta duna nan e
oportunidat pa partisipá huntu ku e 7 otro partidonan na Elekshon di
miembronan di Konseho Insular 2010.
Lei ta preskribí ku partidonan ku no tin representashon den Konseho Insular ni den Staten mester haña sosten di por lo ménos 745 persona pa por partisipá na elekshon. Esei tabata nifiká ku un total di 5 partido ku a entrega un lista di kandidato mester a buska sosten di 745 persona. Un total di 3386 hende a bai duna sosten na seis diferente urna rònt Kòrsou durante di e wikènt di 17 i 18 di yüli ku a pasa. Esei tabata posibel entre 8’or di mainta te ku 8’or di anochi. A tuma un total di mas ku 2 ora i dies minüt pa por a konta e voto total. Awe, djaluna 19 di yüli Konseho Supremo Elektoral lo informá e otro 2 partidonan ku nan lista no a keda akseptá. Riba djamars dia 20 di yüli Konseho Supremo Elektoral lo informá tur partido ku lo partisipá na e siguiente elekshon di eventual fayo riba nan lista di kandidato. E partidonan ta haña tres dia pa koregí e posibel fayonan. |
