Aprobashon di finansiamentu di 4 proyekto ekonómiko pa Kòrsou den kuadro di e programa di koperashon akordá, Inisiativa Soshal Ekonómiko (SEI), entre Hulanda i teritorio Insular di Kòrsou. Klik read more pa mas informashon...

USONA representá dor di señor Reginaldo Doran i Territorio Insular di Kòrsou representá dor di diputado di Ekonomia i Turismo señor David Dick, ta firma akuerdo di finansiamentu pa e proyekto nan, ‘Opstellen van een MKB en Entrepreneurship beleid’, ‘Inventarisatie en toegankelijk maken van Internationale subsidieregelingen’, ‘Actualistie Vestigingsbeleid’ i ‘Aanpassen Macroeconomisch Modèl Curalyse’.

Ademas di e hecho ku e programa Inisiativa Soshal Ekonómiko ta dirigí riba tèrmino kòrtiko, e ta pone e base pa stimulá desaroyo ekonómiko duradero. Den kuadro di esaki pa fortifiká e struktura ekonómiko i krea e kondishonnan adekuá pa realisá un posishon fuerte i kompetitivo a akordá e siguiente proyektonan ekonómiko. Pa finansiamentu di realisashon  di e proyektonan aki a reserva Naf. 670.000 den e programa SEI.  

Redaktá un maneho pa MKB i Entrepreneurship

Fasilitá e (futuro) empresario na un forma adekuá dor di hiba diálogo di maneho struktural i kordinashon di e sektor di empresa nan mediano i chikí; konsiderashon di efekto nan makro ekonómiko di e maneho di empresa nan mediano i chikí i kapasidat empresarial (MKB en Entrepreneurship beleid), pero tambe formulashon di un plan pa implementashon di e maneho aki ta parti di e maneho pa empresa nan mediano i chikí i  kapasidat empresarial  ku lo mester keda fórmula.

Meta di formulashon di e maneho aki ta, (1) subi e chèns pa un empresario chikí ta eksitoso midi dor di e kantidat neto di empresa nan nobo (inskribí ménos esnan ku a laga saka nan informashon for di archivonan), i alabes (2) stimulá empleo, (3) subi balor agregá di e sektor di empresa mediano i chikí i e (4) invershon nan dor di empresa mediano i chikí. E aporte finansiero Ulandes pa realisashon di e proyekto aki ta  na un suma máksimo di Naf 50.000,-. Gobièrnu Insular tambe ta pone Naf 50.000,- disponibel, pa ehekushon di e proyekto aki.

Inventarisá i hasi areglo di supsidio pa establesimentunan Internashonal aksesibel

Pa ta kompetitivo riba e merkado global, un negoshi mester ta kapas pa tene su preis nan abou òf ofresé un produkto diferensha. Via di programa nan internashonal di supsidio tin posibilidat pa realisá e “competitive edge”aki. E proyekto aki ta enserá promoshon di aktividat ekonómiko riba Kòrsou dor di hasi areglo nan di supsidio internashonal aksesibel. E aporte finansiero Ulandes pa realisashon di e proyekto aki ta  na un suma máksimo di Naf 150.000,-.

Aktualisashon di  e maneho di Establesimentu

E lei pa negoshi nan establesé nan mes, “Landsverordening houdende bepalingen betreffende de vestiging van ondernemingen, waarin een bedrijf wordt uitgeoefend” ta fecha for di 1946 i komo tal no ta bai ku e desaroyo nan aktual i e interes di nos isla. Ademas di esaki, e empresario ainda tin keho pa ku e periodo largu ku e tin ku warda pa risibí su pèrmit di establesimentu. Tambe un forma mas struktura di kontròl riba kumplimentu ku e lei aki, ta deseabel.

Meta di e proyekto Aktualisashon di  e maneho di Establesimentu ta krea un maneho aktual di establesimentu di negoshi i lei konforme ku esaki, ku e fin pa stimulá aktividat ekonómiko na Kòrsou den kuadro di un kresementu ekonómiko optimal i duradero E aporte finansiero Ulandes pa realisashon di e proyekto aki ta  na un suma máksimo di Naf 150.000,-.

Ahuste di e modelo Curalyse Makro Ekonómiko

E modèl makro ekonómiko Curalyse ta un modèl ekonométrico ku ta wòrdu apliká pa diferente puntonan di maneho ku ta riba área soshal, ekonómiko, finansiero i fiskal. E modèl ta wòrdu  apliká dor di Gobièrnu i tambe partidonan  den vèlt ku mester kuantifiká análisis, evaluashon i puntonan di maneho.

Meta di e proyekto aki ta pa ekspandé e modelo aktual i ahustá esaki na e situashon spesífiko, kaminda e futuro Pais Kòrsou ta enkontrá i e reto spesial ku pais Kòrsou ta para pe pa kumpli ku e nesesidatnan real.  Tur esakinan ta ku e miro riba e struktura nobo pa Kòrsou.

Ku e base di e ahuste di e modelo,  ta keda posibel pa konstruí den forma kuantitativo un strategia pa loke ta trata e maneho ekonómiko pa Kòrsou.  E argumentashon kuantitativo lo por tin relashon ku p.e.  e tereno di maneho  sosial ekonómiko (pobresa), invershon den e infrastruktura ekonómiko i e kuadro den kua e aktividatnan ekonómiko lo mester tuma lugá, manera  e struktura di impuesto i reglanan di e kompetensha ekonómiko.

Mas spesífiko lo mester ta ku e modelo ku mester keda ahustá e.o.:

• kalkulashonnan ku por keda hasi basá riba e  struktura estatal nobo di Pais Kòrsou;
• lo por hasi análisis di e sektor logístiko ku  ta un generator importante di divisa pa Kòrsou, meskos ku esnan ku ta den e modelo kaba manera e sektor di turismo, sektor finansiero internashonal i rafinahe di petroli;
• tambe lo por hasi  kalkulo pa loke ta trata e efektonan di pobresa i e maneho i medidanan ku mester keda tuma den esaki.

E aporte finansiero Ulandes pa realisashon di e proyekto aki ta  na un suma máksimo di Naf. 320.000,--.