Servisio pa Komunikashon i Informashon ta partisipá ku Bestuurscollege den su último reunion a tuma desishon ku ruta di Karnaval 2011 ta start na e lusnan di tráfiko na e krusada di Winston Churchillweg / FD Rooseveltweg na Sta Maria kana direkshon sur yega Plaza Hariri, pasa Wishi Marchena, drenta Roodeweg, na altura di Hamelbergweg ta lora na man drechi i e ruta ta finalisá na kabamentu di Hamelbergweg. Klik read more pa mas informashon...

Alabes Bestuurscollege ta bai hasi trámitenan nesesario pa e edifisionan ku ta den Roodeweg ku ta forma un peliger pa peaton òf pa komunidat pa esakinan haña debido atenshon promé ku e fiesta nashonal.

E desishon aki a kai despues ku diputado di Enseñansa, Kultura i Deporte señora Marilyn Alcalá-Wallé, a reuní ku e partnernan relevante di Karnaval kendenan ta Fudeka, AGKK, GGD, AMAK, Brandweer i Komishon Karnaval Banda Bou.