E tópikonan di KPMG B2B’s ku a organisá den pasado ta: Desaroyo Ekonómiko, Corporate Governance, Desaroyo Atministrativo, Kombatimentu di Desempleo Hubenil i Relashonnan Fiskal entre Hulanda i Antia. 

E B2B Kuido di Salú aki ta tuma lugá djaweps dia 17 di yüni awor den hotèl Renaissance na Kòrsou. A invitá diferente aktor krusial for di tantu kuido di salú, seguro di kuido, instansia di kuido, pero tambe gobernantenan i for di e sektor finansiero. Solamente ku un invitashon por presensiá e debate aki. Riba término mas kòrtiku posibel despues lo anunsiá su resultadonan. Pa e B2B aki ta bini for di Hulanda Drs. David Voetelink, spesialista riba tereno di kuido di salú di KPMG Hulanda, miéntras ku otro orador di honor ta  Profesor Dr. Ashley Duits, presidente di e Hunta di Salú Públiko di Kòrsou. 

Durante e konferensha señor Lindomar Scoop, Chairman KPMG, lo hasi e sake bogando pa un diskushon habrí i esensialmente diferente tokante e futuro di kuido di salú na Kòrsou. Despues Prof. Duits lo profundisá riba e manera nobo di pensa den strukturashon di e sistema di kuido di salú. E lo presentá e puntonan di desishon nesesario i krítiko ku por garantisá un kuido duradero di kalidat haltu. Señor Voetelink lo ilustrá e kuido di salú for di diferente modelo, entre otro mustrando kua konsekuensia finansiero nan tabatin na otro pais i kiko Kòrsou por siña di esei. 

Durante e konferensha lo traha konhuntamente riba un análisis tokante e desaroyonan resien dentro di e kuido di salú i e plannan pa futuro i tokante e posishon di Kòrsou en partikular. Esaki ta un oportunidat úniko pa Kòrsou sera konosí ku e último desaroyonan riba tereno di kuido di salú. 

KPMG ta invertí den e sektor importante aki pa mantené su konosementu eksistente i su speshalisashon i pa ekspandé nan. KPMG ta spera di por kontribuí na drecha e sektor di kuido di salú, di moda ku esaki por kontinuá desaroyá den direkshon di un kuido sano di salú, pero spesialmente tambe pa un ambiente di bida salú: Health = Wealth.