| Detenshon di dos hóben |
|
|
|
| Thursday, 22 April 2010 - 00:00 | |
Djaweps, 22
di aprel 2010, alrededor di 12.50’or polis mester a bai na un skol
sekundario den área di banda riba, despues di a haña notifikashon
ku tin un alumno di e skol ku un arma di kandela den su poder. Klik read more pa mas informashon...
Na nan
yegada polis a hasi un investigashon i haña e hoben maskulino N.A.S.M.,
nasé na Kòrsou, di 16 aña di edat, ku un pistol kaliber 25 i
un bala skèrpi kal. 25 den su tas i tambe un bala skèrpi kal. 25 den
su saku di karson. Polis a konfiská e pistol i e balanan i a detené
e hóben pa violashon di Lei di Arma. A present’é dilanti un
fiskal ouksiliar ku a ordená su enkarselamentu pa mas investigashon.
Siguiendo ku e investigashon, alrededor di 13.35’or, polis a detené na un kas na Rondeklipweg, un otro hóben maskulino di e mesun skol, e mucha hòmber L.S. d.W., nasé na Kòrsou, di 16 aña di edat, en konekshon ku un pelea ku a tuma lugá awe den oranan di skol. Durante di e pelea aki L.S.d.W a trata di kita e arma di kandela for di N.A.S.M. pa uza esaki kontra di su kontrinkante. Polis durante di e investigashon a haña d.W ku un laiter den forma di un pistol. Polis a konfiská e laiter i a presentá d.W. komo sospechoso di intento di asesinato, intento di homisidio i violashon di Lei di Arma, dilanti un fiskal ouksiliar ku a ordená su enkarselamentu pa mas investigashon.
E investigashon
ta kontinuá. |
