| Detenshon di un belgikano pa estafa |
|
|
|
| Monday, 26 April 2010 - 07:55 | |
En konekshon
ku 4 denunsia di estafa ku algun negoshi lokal a hasi, e personal di
polis a start un investigashon i a detené djadumingu, 25 aprel 2010,
alrededor di 15.35’or e sospechoso, e hòmber, D.H.B.D., nasé na
Bèlgika, di 46 aña di edat. Klik read more pa mas informashon...
Detenshon a tuma lugá na aeropuerto Hato na momentu ku e sospechoso tabata na punto di bandoná nos isla, pa e bai establesé su mes na Hulanda. D. a hasi kompra na vários negoshi lokal e.o. di paña, na un balor total di alrededor di Naf. 7000,-- i paga ku chèknan ku despues a resultá di ta sin fondo.
A presentá
e sospechoso dilanti un fiskal ouksiliar ku a ordená su enkarselamentu
pa mas investigashon. |
