E personanan ku bini na remarke pa unifikashon di famia, nan famia lo por drenta Kòrsou ku e Copyclient. Esaki ta bálido te ku 31 desèmber 2010. Pa esnan ku a hasi petishon kaba por entrega e dokumentonan nesesario na imigrashon.

Mester apuntá tambe ku no ta tuma mas petishon pa unifikashon di famia.

Gobièrnu Antiano ta ratifiká e kriterionan ku a keda postulá for di 15 di yanüari 2010 relashoná ku unifikashon di famia.

Petishon pa unifikashon di famia.

Minister di hustisia a risibí diferente petishon di e suidadano Haitiano pa trese miembronan di famia Antia Hulandes mirando e situashon ku nan famia ta pasando aden aya na Haiti.Pa por kumpli ku e petishonnan aki tin algun punto ku mester tene kuenta kuné.

Pa por atendé e petishonnan aki ta bai apliká e ´Modelo di Aruba´ pero ku ta keda amplia pa Antia Hulandes i esaki ta lo siguiente:

 - E Haitiano ku a naturalisá i a risibí e nashonalidat Hulandes i e siudadano Haitiano ku pa hasimentu di un petishon pa un pèrmit di estadia no tin mester di un persona pa para garantia pe i ku e tin e derecho di por firma pa su mes, por hasi un petishon pa unifikashon di famia di promé grado, esta esposo(a) i yunan menor di edat.

Den e situashon partikular aki lo duna e famia ku ta kai bou di promé grado pa kende un petishon pa unifikashon di famia a keda pidí, un pèrmit temporal pa un periodo di 1 aña.

Esaki mas ku lógiko tin algun kondishon ku mester kumpli kuné I esakinan ta lo siguiente:

 - E kondishonnan pa aprobashon di un pèrmit temporal pa e personanan ku ta kai bou di e kategoria deskribí aki ta e mesun kondishonnan ku ta pone pa un petishon regular manera:

ku no ta forma un peliger pa órden públiko;

sufisiente medio di eksistensia esta un salario di entre NAf 1500pa NAf 3000 pa luna

- E kondishonnan pa entrega di un pèrmit di estadia ta igual na e kondishonnan di un petishon regular i esakinan ta lo siguiente:

seguro médiko bálido, pasport bálido, prueba di pago di un suma di bòrg i 2 pasfoto

E medidanan aki no ta bálido pa esnan ku a hasi petishon na Brooks Tower i ku ta kai bou di e kategoria 1 i 2 i estranheronan ku a drenta Antia despues di 31 desèmber 2005 i ku ta kai bou di kategoria 3 BT.
Petishonnan ku ya ta den tratamentu den e trayekto regular pa unifikashon di famia di e suidadano Haitiano ta risibí preferensia;

 Pa e petishonnan aki e eksigensianan regular ta keda sin mas na vigor, esta petishon eventual pa e periodo konforme e petishon di e aplikante.

Pèrmit di estadia temporal den kuadro di ‘Brooks Tower’

E suidadano Haitiano ku den kuadro di ‘Brooks Tower’ ta bini na remarke pa un pèrmit di estadia temporal lo risibí un pèrmit di estadia te ku 3 novèmber 2010

E personanan aki no por hasi petishon pa unifikashon di famia.

Loke si ta aplikabel, ta e echo ku e suidadano Haitiano ku den kuadro di Brooks Tower optené un pèrmit temporal di estadia i ku alargá esaki na tempu i ku éksito den e trayekto regular, por hasi un petishon pa unifikashon di famia dentro di un tèrmino stipulá konforme reglanan eksigí.

Di otro un banda e siudadano Haitiano ku no hasi un petishon pa ekstenshon di su pèrmit di estadia temporal òf ku no a hasi esaki tampoko na tempu den e trayekto regular i no a risibí e pèrmit aki tampoko lo bira ilegal entrante 4 di novèmber 2010. Pa e suidadano aki ta konta e asina yama temporada di grasia te ku 31 di desèmber 2010. Esta te ku 31 desèmber 2010 e personanan aki ta risibí e oportunidat pa bandoná Antia sin niun sanshon.