| Programa "Hoyer in Business" awor tambe na Radio Hoyer 1 |
|
|
|
| Tuesday, 20 April 2010 - 09:38 | |
Radio Hoyer 1 ta kuminsá
djaweps 22 di aprel awor ku un programa
semanal nobo, ‘Hoyer in Business’.
Transmishon ta atardi di mitar di seis pa shet’or,
bibu for di Netto Bar, den kurason di
Kaya Grandi di Otrobanda. Klik read more pa mas informashon...
Ta trata aki di e vershon na papiamentu di
e programa dirigí riba empresarionan,
ku tin algun luna kaba na Radio Hoyer 2. E
éksito di e programa ei tabata motibu pa
Emisoranan Hoyer disidí di desaroyá awor un programa na papiamentu
pa Radio Hoyer 1.
E meta prinsipal di ‘Hoyer in Business’ ta pa stimulá e yu di tera bira empresario. Mas empresa lo hasi ekonomia di Pais Kòrsou mas fuerte, i mas empleo mester resultá den ménos problema sosial. Presentashon ta den man di Jefka Martha-Alberto i Clifton Wallé. Tur dos presentadó ta periodista diplomá, ku aktualmente ta empresario. ‘Hoyer in Business’ ta e úniko programa radial na Kòrsou presentá di empresario pa empresario. Kompartí eksperensia Tur siman invitadonan lo kompartí nan eksperensia komo empresario, nan inisiativanan empresarial, nan éksito i nan reto. E programa ta konsistí di vários entrevista. Pa mustra ku e ambiente ta unu informal, kada entrevista ta tumá lugá figurativamente den diferente parti di un kas: ‘Den Adrei’, ‘Den Sala’, ‘Riba Balkon’ i ‘Riba Stupi’. Invitadonan E promé siman e invitadonan lo ta: Randolph Camelia di Blue Factor (“Den Adrei”), Freddy Berends di Bistro Le Clochard (“Den Sala”), Arthur Rosaria di Korpodeko (“Den Balkon’”) i Sherman Scoop di e sekshon Empresa Chikí di MCB (“Riba Stupi”). Sintonisá Radio Hoyer ta invitá tur empresario i esnan ku ta pensa pa bira empresario pa sintonisá tur djaweps atardi entre mitar di seis pa shet’or pa tende kon otro empresarionan ta kompartí nan eksperensia ku bo. E programa ta Pa bo!. |
