| A konsekuensia di nubia di shinishi riba Europa, KLM i Martinair a suspendé tur buelo |
|
|
|
| Friday, 16 April 2010 - 12:20 | |
Forsosamente e kompanianan di aviashon
KLM en Martinair a haña nan ta suspendé por lo pronto tur buelo pa Antia
Hulandes i Aruba te próksimo aviso. Klik read more pa mas informashon...
E desishon aki ta un efekto direkto di
e echo ku e espasio aéreo riba Europa ta será mas largu ku loke a antisipá
anteriormente a konsekuensia di e inmenso nubianan di shinishi den e partinan
mas haltu di atmósfera prosedente di un aktividatnan volkániko na Islandia.
Segun un orario nobo lo habri e espasio aéreo riba Hulanda bèk djasabra dia 17
di aprel 6 or di mainta. Despues di esei numa gradualmente por reanudá e
tráfiko aéreo.
Apesar ku ta opvio ku aki ta trata di
un situashon di forsa mayó, KLM i Martinair tòg ta pidi diskulpa pa e
inkumbiniensia ku e situashon aki ta kousa pa masha hopi pasahero. Na mes
momento ámbos kompania ta rekomendá biaheronan pa sigui notisia den medionan di
komunikashon pa keda al tantu di e último desaroyonan, miéntras ta bon pa esnan
ku ta keda na hotèl konsultá ku regularidat na resepshon di nan hotèl pa sa
kiko e último notisianan ta. Ku regularidat ta tene e hotèlnan na altura di
moda ku nan por traspasá e informenan aki pa nan wéspetnan.
|
