Na yegada di e promé patruya polisial a konstatá ku enbèrdat tabatin shete (7) hòmber herida, di kual dos (2) di nan ku herida grave na nan kurpa.

For di un investigashon preliminar a resultá ku na un diskoteka na Scharloo a surgi un problema entre un pareha ku a bin kulminá riba e boto en kuestion, na unda mas persona ku tabata riba e boto na e momentunan ei a involukrá nan mes den e problema. A surgi un pelea entre dos grupo, den kual nan mester a bati otro ku entre otro ‘barkruk’, bòter i hinka otro ku opheto skerpi.

E hòmber S.M., nasé na Kòrsou, di 24 aña di edat, ta tin un hinká  na su garganta i e hòmber E.P. nasé na Kòrsou, di 24 aña di edat, ta tin un hinká na su barika. Ambulans a transportá 3 di e víktimanan pa Poliklínika di Hospital, na unda despues di tratamentu nan a keda interná. S.M. su situashon ta di preokupashon.

E investigashon den e kaso aki ta kontinuá.