| KTK ta sigui ekspande su flota konkistando merkado internashonal |
|
|
|
| Saturday, 10 April 2010 - 14:57 | |||||||
Dia
dos di aprel di e aña aki a batisá e mahestuoso barku grandi di KTK, ku tin un
largura di no ménos ku 40 meter, na Surabaya, Indonesia. Klik read more pa mas informashon...
Pa e okashon aki
tabata presente di Kòrsou, banda di e tripulashon di KTK ku tin e tarea di
trese ORCA Kòrsou i den nos region, Presidente Komisario di CPA/KTK Srta.
Alexis Daou, Direktor General di CPA/KTK mr. Richard Lopez Ramirez, Direktor di
CPA, mr Agustin Diaz, General Managing Director di KTK ku dia promé di novèmber
2010 ta bira Direktor General di CPA/KTK Ir. Marcelino De Lannoy,
Representashon di trahadónan di KTK den persona di Presidente di PWFC, Sr.
Angelo Meyer.
MADRINA Sra. ALEXIS
Tabata
realmente un momento impreshonante e boutiso di e barku aki ku a haña e
nòmber di ORCA, ku ta e toubot di mas grandi i mas potente den e flota di KTK,
kual a ser efektuá pa su madrina, Presidente Komisario, Srta. Alexis Daou. Ta
un tradishon ku e boutiso ta tuma lugá a base di lansa un bòter di shampaña
riba kurpa di e barku, ku ora e bòter kibra, e shampaña ta basha riba e barku,
miéntras ku tur presente ta aploudí e tremendo akontesimentu aki.
DAMEN
E
toubot aki a keda konstruí na Surabaya, Indonesia, bou di responsabilidat di
Damen Shipyards. E resultado di tur e pruebanan ku ta ser hasi, promé ku
entrega i akseptashon di e barku tuma lugá, a proba ku esaki ta e barku di mas
potente den e flota kresiente di KTK.
TORO DI KURA
Manera
un gigante asina aki ta keda denominá na Papiamentu, e otro “toro di kura” aki,
ya kaba tin su tripulashon yu di Kòrsou na bordo, ta kla pa Sali i kue su promé
trabou den laman Sur di China i Sùit di India.I na Korsou nos trahadonan di KTK
tin un otro “toro di Kura” kual ta Jaro II. Tur kos ta indiká ku ORCA lo pasa
Kòrsou aki 2 pa 3 luna despues di krusa Oséano Atlántiko i efektuá posibel
trabounan pe, ku Gerensia ta negoshando na e momentonan aki.
ORCA INTERNASHONAL
Tin
un dicho ta bisa ku “barku para no ta hasi flete” loke ta nifiká ku un barku ku
no ta nabegá, no ta generá entrada i produsí plaka. ORCA a keda traha, pa
nabegá laman gancho, distansha grandi i largu pa konkista merkado
internashonal, pues ORCA lo no keda Kòrsou, ya ku e gigante aki lo generá
ingreso den merkado internashonal. Ku esaki ta logra un di e metanan di KTK ku
KTK awor ya no tin limitashon mas pa loke ta trata lokalidat di trabou. ORCA
por nabegá nos planeta kompleto.
KTK POR………
Gerensia
di CPA/KTK ta hopi orguyoso ku un kompania ku tabata asina chikí, ku apénas dos
toubot, awe ta militá den e grandinan i no tin miedo di kompetí riba merkado
internashonal. KTK ta on the move, i KTK a bira un “BIG BOY” sigur sigur i tur
kos ta mustra ku KTK lo siguí krese tambe, pasobra tin e yu di Kòrsou kapasitá
pa hasi e trabou i logra éksitonan grandi na benefisio di e kompania i di
Kòrsou en general. Nos lo anunsiá yegada di ORCA na Kòrsou, ku lo ser selebrá
“a la Kòrsou”. Henter nos komunidat por ta orguyoso di e logro aki. Nòmber di Kòrsou ta zona tur kaminda.
|
|||||||
