| Detenshon, konfiskashon di droga |
|
|
|
| Wednesday, 07 April 2010 - 12:04 | |
Djamars, 6
di aprel 2010, alrededor di 14.15’or un unidat di Polis dirigiendo
na un adrès na West Chincho Grandi en konekshon ku violashon di e Lei
di Opio a topa ku un pikòp biniendo for di e kaya ya menshoná. Mirando
ku e kaya en kuestion ta kondusí netamente pa e kas ku e tim ta bai
hasi un investigashon, a para e pikòp i a someté tantu e shofùr komo
e vehíkulo na un kontròl. Klik read more pa mas informashon...
Den e vehíkulo aki a bin haña 8
bala di e tipo kartucha i a konfiská e bala nan. En konekshon
ku esaki e shofùr di e pikòp, N.C.I. nasé na Kòrsou di 43 a keda
detené.
Mesora e tim a sigui pa e kas ariba menshoná, durante investigashon e unidat a bin haña un plantashon di mariwana bon skondí rondoná dor di zim i a konfiská:
Polis a detené
e habitante di e kas C.P.G. nasé na Kòrsou di 60 aña di edat
komo sospechoso di violashon di e Lei di Opio i e Lei di Arma, a present’é
dilanti di un fiskal Ousiliar ku a ordená su enkarselamentu. Kontinuando ku e investigashon e shofùr di e pikòp ku a keda detené a deklará ku e pikòp no ta pertenesé na su persona. Seguidamente e unidat a bai na kas di e doño di e pikòp ku ta keda tambe na West Chincho Grandi sin number pa un investigashon. Durante investigashon na e kas menshoná e tim a bin haña i konfiská algun munishon mas i a detené e doño di e kas alabes doño di e pikòp e hòmber M.O.M. nasé na Sur Afrika di 47 aña di edat komo sospechoso pa violashon di e Lei di Arma. A presentá M.O.M. dilanti di un fiskal Ousiliar ku a ordená su enkarselamentu. E sospechoso N.C.I. por a bai kas despues di interogashon. Investigashon ta kontinuá. |
