Na yegada di e promé patruya polisial a konstatá ku enberdat tabatin tres (3) hòmber ku tabatin herida di bala na lomba i pia.

For di un investigashon preliminar a resultá ku e tres hòmbernan aki tabata para huntu ku algun otro hòmber ta papia kantu di un outo den St. Anaweg i dado momento un mitsubishi Lancer a kore yega i pa un motibu ku te na e momentu aki no ta konosí lo mester a lòs algun tiru riba e grupo ku konsekuensia ku tres di e hòmbernan den e grupo a risibí herida di bala;

G.C.C., 20 aña tin herida di bala na lomba – R.J.T., 26 aña a tin herida di bala na pia i N.F., 24 aña tambe tin herida di bala na pia. Tur e tres víktimanan aki ta nasé na Kòrsou.

Ambulans a transportá e víktimanan aki pa Poliklinika di Hospital pa mas tratamentu.

R.J.T. i N.F. su kondishon ta stabil mientras G.C.C. su kondishon ta di preokupashon.

E investigashon den e kaso aki ta kontinuá.