| Manifestashon contra di leynan contraversial |
|
|
|
| Sunday, 28 March 2010 - 21:29 | ||||||||||
E lider poitico di Partido Obrero Nobo, Theo Kabuki
Frans a emiti un comunicado den cua e ta haci menshon di e
manifestashon cu ta tuma luga djasabra den oranan laat di atardi. Klik read more pa mas informashon...
Manera
ta ampliamente konosí, djasabra 27 di mart 2010, lo tabata tin un manifestashon
kontra e leinan ku pa nos aki na Boneiru ta kontradiktorio i ku a kedá
pasa den 2de kamer aya na Hulanda, loke a kousa hopi pániko, desgustu i hasta
rebeldia den pueblo Boneriano.
Komo
lider polítiko di ON ta mi deber pa duna e punto di bista di Obrero Nobo, pa e
famia ”ON”, pero tambe pa pueblo di Boneiru kompletu.
Esaki
pasó-brá semper kada un miembro di ”ON” ta hendenan ta atendé ku polítika
ku e úniko meta ‘’bienestar general’’, siendo ku e beibi pa kua mas ta preokupá
ta e hendenan den mas nesesidat.
Ta
p’esei nos ta konsiente tambe ku kada stap ku nos dal, kada pensamentu ku nos
tin i kada akshon ku nos tuma nos mester kompartí ku e pueblo.
”ON””
si no a kai den ningun klase di pániko, pasobra nos ta pensa ku tanten, pa
medio di e referèndem benidero, e pueblo no a bisa ta ”KIKO” e kë, no por ta
nifiká ku outomátikamente tur lei ku pasa na Hulanda ta konta pa nos aki tambe.
Ora
ku despues di referèndem resultá ku nos pueblo no ké inte-grashon, ta
imposibel ku nan por sinta na Hulanda traha lei pa nos.
P’esei
mi no por imaginá mi ku nos gobièrnu por aseptá e leinan aki den e fase aki komo leinan ku ta
konta pa nos tambe.
Mi
ke yama un pabien na Hulanda ku nan a pasa e leinan ku pa nan si aparente-mente
no ta kontroversial. I na nos pueblo mi ke bisa: keda rustig. Loke nos mester
hasi di semper mes ta wak pa nos ta uní. I asina huntu sigui desaroyá, promové
i defendé nos propio kultura i norma- i balornan. Di e manera ei
outomátikamente nos ta sera afó tur loke no ta pas akinan. DI UN MANERA OF OTRO
!
No
opstante esei mi ta aploudí e inisiativa di e grupo balente ku bini ku e
idea di e manifestashon i mi ta apresiá di nota ku ta trata di un grupo
fuera di polítika.
Den
e kaso aki bèrdat no mester tin distinshon di kredu ni niun sorto di koló,
pasobra si tin algu ku ta sigur, ta e echo ku nos no por sinta ketu si laga tur
moveshon bai bin, kaminda ku futuro di nos yunan ta den wega, sin rel ni trel.
P’esei
mes komo lider di ON mi ta instruí hinté e famia di ON i ta hasi un yamamentu
enfátiko na hinté pueblo pa basha masalmente bin Stadion pa ‘sina nos mustra ku
ora mester nos pueblo ta uni.
Esaki
n’ ta pa bo partido, ni pa bo lider. Aki ta bai pa futuro di NOS yu- i
nietunan. Pa eksistensia di Boneiru. Sino ta kiko ta Boneiru ? Ta nos so mester
keda sin tera ? Ban skapa Boneiru. Ban hasi ku Boneiru ta sigui eksistí. Semper
Boneiru a malkriá pa bo. Awor ta bo bùrt pa defendé. Pa nos yu- i nietunan
tambe por tin un tera mañan.
|
||||||||||
