| Diskurso Gobernador di Antia Hulandes relashoná ku huramentashon di miembronan di Parlamento |
|
|
|
| Friday, 26 March 2010 - 13:28 | ||||
Awe e periodo
di gobernashon di Parlamento di Antia Hulandes ta kuminsá. Kuater aña
pasá na e seremonia di huramentashon mi a ekspresá e ekspektativa
di ku e periodo di gobernashon di Parlamento di e tempu ei lo tabata
e último tambe. Klik read more pa mas informashon...
Pero e proseso di kambionan estatal a resultá di ta
tai i kompleho i ta proba ku ta mashá riesgá pa pronostiká término.
Tòg mi ta tribi di bolbe bisa ku esaki en prinsipio lo ta e último
periodo di gobernashon di Parlamento di Antia Hulandes. Pa último biaha
a zona awor ratu ei e himno antiano den kuadro di un seremonia di huramentashon.
Manera ta di spera boso lo tin di bai buska otro kos di hasi na fin
di aña akí, meskos ku ami tambe. Di pursi nos ta pará na bispu di
un kambio estatal ku konsekuensianan profundo, ku ta parse awor
di ta na alkanse. Pa un parti e proseso akí ta andando kaba. Pa Kòrsou,
for di 15 di mart ku a pasa ei, boso no ta ko-legisladó mas pa un gran
kantidat di tereno di maneho. Dia 19 di aprel pais Antia Hulandes lo
desentralisá mas tarea pa e teritorio insular akí. Na moda di papia,
di e manera ei pais Antia Hulandes ta un persona hurídiko den likidashon,
di kua boso ta e mandatarionan ehekutivo.
Ku e huramentu profeshonal solèm akí, huramentu di lealtat na La Reina i na Statüt i e promesa di kumpli ku bienestar di henter e pueblo di Antia Hulandes, boso por sigui awor ku boso tareanan komo representante di pueblo. Maske e periodo di gobernashon di Parlamento, manera ta spera lo ta kòrtiku, lo hasi un apelashon pisá riba boso e lunanan binidero. Komo miembronan di Parlamento boso tin un papel esensial di ehersé den e proseso di restrukturashon estatal. Na Den Haag tin un gran kantidat di proposishon di lei di reino pendiente pa trata, den kua un kantidat di miembro meimei di boso lo ta enbolbí komo delegadonan partikular. Banda di esei tin stipulá den e Akuerdo di Philipsburg di e gabinete nobo ku sierto legislashon mester tuma lugá ainda promé ku e fecha di anulashon di Antia Hulandes. Ademas komo ko-legisladó i komo kontroladó di gobièrnu, boso tin e responsabilidat di sòru pa e pueblo di Antia Hulandes te na final.
E huramentashon
ku boso a kaba di ehersé ta enserá esei tambe.
Mi ta deseá
boso hopi forsa i éksito ku ehersisio di e tarea importante akí
pa kua boso ta yamá.
The Netherlands
Antilles in its present form is, as it were, a legal entity in liquidation,
under your administration. Yet you have an important and weighty task
before you. Both in The Hague and here in Willemstad you will have to
debate the legislation needed to introduce the new constitutional status
for the islands. Moreover, until those arrangements are in place you
have a duty of care to the population of the Netherlands Antilles. I
wish you wisdom and every success in carrying out this important responsibility.
May I invite
you to please raise your glass, after you have received one, and join
me in a toast to the new session of the Parliament. Cheers! Salud!
|
||||
