| Diskurso Gobernador di Antia Hulandes relashoná ku huramentashon di gabinete De Jongh-Elhage II |
|
|
|
| Friday, 26 March 2010 - 13:17 | |||||||
“Awe nos
ta huntu riba e dia spesial akí, huntu ku e pueblonan di tur
nos islanan, pa ta testigu di huramentashon di e minister- i sekretarionan
di estado nobo di nos pais. Ta di spera ku esaki lo ta tambe e último
gabinete di Pais Antia Hulandes. E motibu akí so kaba ta hasi e dia
di awe un akontesimentu históriko.” Klik read more pa mas informashon...
Presis kuater
aña pasá mi a papia e palabranan ariba usá na e mes lugá akí.
Pero ketu bai nan ta aktual i por tabata skirbí ayera, ku eksepshon
ku awe ta djabièrnè na lugá di djadumingu. Aworakí tambe nos ta
pará na bispu di kambionan estatal ku konsekuensianan profundo.
Bon mirá awe nos no mester tabata pará aki pa e okashon ei. Futuro
estatal mester tabata awe kaba. E sitado di kuater aña pasá ta mustra ku e proseso di kambionan estatal a resultá di ta tòf. E último kuater añanan mandatario- i ámtenarnan a hasi inkreiblemente hopi trabou ku mashá energia, tantu aki na Antia Hulandes komo na Hulanda. Tòg nos no por a konkluí e proseso akí ainda. Pa un parti esei ta debí na e manera kon e proseso ta strukturá, pa otro parti tambe debí na e echo ku mester a vense hopi opstákulo pa por a yega asina leu. Sinembargo awor e situashon estatal nobo ta na nos alkanse. E partidonan ku ta sostené e gabinete ku a kaba di huramentá a sera un akuerdo ku ta kondusí na terminashon di Antia Hulandes e aña akí mes. E mandatarionan ku a kaba di huramentá tin komo tarea pa hasi nan mes, riba término kòrtiku, superfluo komo minister òf sekretario di estado di Antia Hulandes. Nan mester habri i prepará kaminda pa e entidatnan nobo, kaminda nan lo haña un futuro nobo sea paden òf pafó di gobernashon públiko. Ehekushon
di e Akuerdo
di Philipsburg mester kondusí na e situashon ku pa di promé bes den
hopi aña otro problemanan di siudadanonan riba nos islanan lo bolbe
predominá na lugá di e diskushon estatal. Desempleo bou di hóbennan,
kombatimentu di pobresa, kombatimentu di kriminalidat – djis pa menshoná
algun tópiko – ketu bai ta pidi pa un solushon.
Mi ke gradisí
señora De Jongh-Elhage i su minister- i sekretarionan di estado pa
loke nan a hasi, den e kuater añanan ku ta tras di lomba, na interes
general di pueblo di Antia Hulandes. Mi a apresiá mashá e kolaborashon
ku e miembronan di e gabinete ku a kaba di baha. Pero mi ta tuma despedida
di solamente algun di boso. Ku bista riba kontinuidat, den e fase final
di eksistensia di Antia Hulandes, mayoria mandatario ta bini bèk den
e gabinete nobo. Mi ta kontentu di por renobá mi kolaborashon ku boso.
Mi ta deseá e mandatarionan ku ta baha, esta Adriaens, Martis, Constansia
i e di dos Minister Plenipotensiario interino St. Jago tur kos bon pa
futuro, tambe pa nan famianan.
Mi ke dirigí
un palabra di gradisimentu spesial na señor Atacho pa a aseptá e tarea
komo formadó di e gabinete akí. Señor Atacho, ku entretantu por ta
orguyoso di un eksperensia enorme komo informadó i formadó, a traha
e lunanan ku a kaba ei, enérgikamente na realisashon di e gabinete
akí. Ku esaki a tuma lugá mashá efisiente i sin problemanan notabel,
ta un mérito di señor Atacho i su tim.
Mi ke felisitá,
tambe na nòmber di mi kasá, señora De Jongh-Elhage i su di dos gabinete
ku a kaba di huramentá. Mi ta deseá boso hopi forsa i sabiduria
ku kumplimentu di e tareanan pa kua boso ta yamá: anulá Antia Hulandes,
forma e paisnan nobo i sirbi interes di e pueblonan di e islanan di
Antia Hulandes te final.
Agreeing on
a new constitutional structure for the Netherlands Antilles has proved
far from easy; there have been many obstacles along the way. Despite
our best efforts, we have not yet been able to complete this process.
But the new arrangements are nearly in place. Under the Philipsburg
Agreement, the members of the cabinet that has just been sworn in undertake
to make themselves redundant in the near future. Instead of constitutional
issues, our attention must once again focus on the welfare of the people
of the islands.
With a view
to continuity, nearly all the members of the first Emily de Jongh-Elhage
cabinet are returning in the second. I look forward to renewing our
partnership. I should like to thank those who will not take office in
the new government. I should also like to congratulate Mrs de Jongh-Elhage
and her second cabinet and to wish you strength and wisdom in carrying
out the responsibilities to which you have been called: dismantling
the Netherlands Antilles, creating the new constitutional entities and
above all serving the interests of the people of the islands. Please raise your glasses, after you have received one, and join me in a toast to the success of the new cabinet’s mission. Cheers! Salud!
|
|||||||
