| Gobičrnu di Kňrsou trahando ribaposibilidat pa studia den region |
|
|
|
| Wednesday, 24 March 2010 - 11:54 | |
Resientemente diputado di Enseñansa, Kultura i Deporte Sra. Marilyn Alcalá-Wallé i Diputado di Ekonomia i Turismo Sr. David Dick a risibí un delegashon de VBC konsistiendo di Sra. Jeanette Bonet, Sr. Boy Magdalena, Sr. Johan Lieuw i Sr. Jack Baroud pa interkambiá di idea tokante studiamentu den region. Klik read more pa mas informashon...
Manera ta konosí Gobièrnu di Kòrsou ta hasiendo esfuersonan
pa por habri atrobe e posibilidat pa studiantenan lokal por studia den
region.
E importansha pa habri
e posibilidat pa studia den region ta evidente. I e interes pa studia
den region tambe ta kresiendo. E punto ta kon por hasi e studiamentu
den region faktibel i di un forma pagabel.
Na e momentu nan aki ya Gobièrnu tin kontakto ku Merka i ta hasiendo e preparashonnan pa por regla pa studiantenan di Kòrsou haña trato preferensial pa medio di un asina yamá MOU (Memorandum of Understanding).
E Diputadonan a suministrá
VBC ku e informashon i trayekto ku nan a kana te awor aki i kier a tuma
nota kon VBC ta mira e inisiativa di Gobièrnu ya ku e intenshon ta
ku ora studiantenan kaba di studia nan ta drenta riba nos merkado laboral.
VBC a mustra entusiasmo pa ku e inisiativa i ta sostené esaki. VBC a pidi pa Gobièrnu konsiderá e studiamentu di studiantenan no solamente riba nivel HBO pero riba diferente nivel. Ademas di esei VBC a sugerí pa tene kuenta ku e nesesidatnan ku tin riba merkado laboral. Gobièrnu di su turno a apresiá e kontribushon di VBC. Finalmente VBC riba petishon di e diputadonan a keda di eksplorá den su seno si por yega na un tripartitismo pa lokual ta trata e finansiamentu di estudio na Merka. |
