T’asina ku algun tempu pasa polis na Helmond  a bin haña hopi keho di personanan ku tabata deal den e siudat aki.

Nan tabata aktivo prinsiplamente den sentro di Helmond i den Helmond West .

Despues di a opserva e dealernan aki pa algun tempu e siman aki a pasa over pa nan detenshon.

Un total di kuater persona a keda detene di kaul un muhe i tres homber. 

E prome detenshon a bin kai diamars ultimo na aeropuerto di Schiphol ora ku un dama Antiana di 21 aña di edat a keda detene pa outoridatnan di Schipholtim na momento kela yega riba un buelo di KLM prosedente di Korsow.

E tabatin un kantidat di cociana puru huntu kune i esaki tabata hinka den su brasiel. 

Su kompañero di bida a ser detene diarason ultimo na Korsow. Ta trata di un homber Antiano di 32 aña di edat.

Ela keda detene na aeropuerto di Hato na momento ke  kera subi avion pa Hulanda ku un arma di kandela ku bala aden i un kantidat di 600 gram di cocaina puru. 

Esaki nan a keda konfiska pa outoridatnan na Korsow.

Ne mesun momento dje detenshon aki na aeropuerto Hato na Korsow na Helmond outoridatnan a detene dos persona mas na  nan kas den snetro di Helmond.

Ta trata di dos homber antiano di 41 aña di edat.

Durante dje detenshon aki outoridatnan a konfiska un outo mas un suma di 1.500 euro kual nan tabatin den nan poder.

 E ultimonan aki tambe ta ser sospecha di ta forma parti dje banda aki ku ta deal den Helmond.

E dos hombernan ka keda  detene na Helmond ayera a presenta dilanti di Hues Komisario na Den Bosch kende a prolonga nan detenshon preventivo.