|
Polis a deskonekta 33 konekshon ilegal di awa y koriente |
|
|
|
|
Friday, 12 March 2010 - 13:54 |
Ayera mainta Aqualectra a kuminsá ku kontròl riba konekshonnan ilegal ku
asistensia di polis den área di Bándabou. Di parti di Aqualectra tabatin komo
12 persona miéntras ku tabatin un kantidat di 18 polis ku a asistí den e kontròl aki.
Klik read more pa mas informashon...
E área ku a bai hasi e kontròl tabata na Klein Sta Martha , unda a topa ku 33 konekshon
ilegal di tantu koriente komo awa na diferente kas. A deskonektá 7 konekshon di awa
ilegal bou di tera ku ta suministrá diferente kas ku awa i hasta plantashon di pinda i berdura.
Tambe deskonektá 6 konekshon dirèkt di koriente ku tambe ta duna diferente kas koriente.
Tabatin bastante trabou di kitamentu di kabel, waya i pipanan tantu galvanisá i plèstik di e
diferente konekshonnan. Aqualectra a risibí bon koperashon di polis den e kontròl aki i ta sigui
ku e kontròlnan aki den bario aki ku mas regularidat. Despues ku kaba di hasi e investigashon
interno ta determiná e paso ku Aqualectra lo tuma ku e kasonan ilegalnan aki . Ademas
Aqualectra ta atvertí ku mester tene kuenta ku konekshon ilegal di koriente ta peligroso i por
tin konsekuensha fatal sigur si nan ta konektá riba pipa di awa pa ground. Konekshon ilegal di
awa tambe por tin konsekuensha riba salú di hende. Sigur den e forma amatùr ku nan ta konektá.
| Comments () >> |
 |
 |
