Na yegada di polis na e sitio nan a topa e habitante di e kas, un señora di 77 aña di edat, ku vários leshon na kara i kabes.

For di un investigashon preliminar a resultá ku e señora habitante di e kas tabata su so na kas ora e la  nota presensia di e muhé, adikto na droga, A.M.H., den su kas. E sospechoso bou di menasa di un kuchú a pidié pa sèn i ora e señora a nenga, a surgi un bringamentu den kual e  sospechoso a kue un opheto di heru ku ta tin den e kas i  bati e señora  kuné, heridando e señora na su boka, wowo i kabes. Ambulans a transportá e víktima pa poliklínika di hospital St. Elisabeth.

Polis a detené e sospechoso A.M.H., di 39 aña di edat, na e sitio i a present’é dilanti un fiskal ouksiliar ku a ordená su detenshon pa mas investigashon.

Atrako Tim ta kontinuá ku e investigashon.