| Diputado Davelaar i USONA a firma finansiamentu pa proyekto Rumbo pa trabou |
|
|
|
| Monday, 08 March 2010 - 20:27 | |
Servisio pa Komunikashon i Informashon ta partisipá ku awe mainta 5
di mart 2010, Diputado Humphrey Davelaar ,na nòmber di Gobièrnu di
Kòrsou, a firma un akuerdo di finansiamentu ku USONA pa ehekutá e
proyekto Rumbo pa Trabou. E proyekto aki tambe ta forma parti
di e proyektonan di SEI. Klik read more pa mas informashon...
Servisio pa Entrada (DWI) na nòmber di Gobièrnu di Kòrsou ta keda enkargá ku e parti di kordinashon di e proyekto aki, miéntras ku e parti di ehekushon lo keda delegá na diferente instanshanan. Pronto Gobièrnu di Kòrsou lo saka anunsionan kaminda ta invitá instansianan ku ta interesá pa hasi entrega di nan oferta pa loke ta trata e parti ehekushon. E proyekto Rumbo pa Trabou ta enserá ku un total maksimal di 450 persona sin trabou ta haña un preparashon kòrtiko di manera ku nan por haña un trabou. E preparashon lo ta dirigí riba trabounan ku aktualmente tin hopi pedido pe riba merkado laboral. Despues di e preparashon kòrtiku lo pone e persona riba un trayekto pa e kore stazje i asina familiarisá ku e trabou. Durashon total di e proyekto aki ta 3 aña i ta kosta 5.236.000,-. florin antiano. |
