Breaking news! Breaking news! The small Caribbean island of Curacao is hit, no, not by a devastating earthquake; not even a smallish tremor! But by this incredible occurrence, where a small rag tag group of oil workers decide for themselves to block down the entrance of the large refinery, while the national government, the island government, the police and the riot containment group run for cover and the population scramble to get much needed gasoline. In the end the population ends up paying both for the turmoil, and the rescue of the private electrical company that started it all…….! 

Laga mi figa posishon un ratu. Mi mes no ta e tipo ku lo ta den un sindikato, pero mi ta totalmente konvensí  si di e nesesidad di union di trahadonan den sindikatonan ku pa duna kontra forsa na e asina yama kapital, pa realisá bon kondishonnan di trabou. Mi ta kere tambe sigur, ku sindikatonan tin un lugá den duna nan kontribushon na e desaroyo general positivo di e komunidad. Lamentablemente ku esei riba e momentunan krusial, no ta sosodé. E sindikatonan di Korsou por ehempel a laga tende muchu poko di nan mes den e desaroyo pa yega na Korsou Autonomo. Kon nan ta mira por ehempel mihó gobernashon, si ta konosí ku e sistema di koalishon nunka lo trese bon gobernashon? Dikon aki nan no a egersé preshon pa medio di welganan? Akaso tasina ku sindikatonan no tin konosementu di e temanan aki? Mi a bati porta di varios sindikato pa duna nan mas informashon di mi konstitushon alternativo pa Pais Nobo Korsou i konstitushon en general. Kompletamente por nada. Pero akaso e sindikatonan grandi no tin nan propio abogado ku ta yuda nan? Di e banda ei sigur nan lo por a organisá splikashon tokante di struktura estatal pa komprendé e desaroyo mihó i duna nan opinion.

Ata awor e situashon di BOO. Sindikalismo en general i PWFC en partikular, lo por a exponé e situashon muchu mas skerpi hopi tempu prome ku esaki. Ku un preshon asendente! E akshon di e último dos dianan lo a haña muchu mas komprenshon i rekonosementu e ora ei.

Ku PWFC ta bin sekuestra e refineria direkt direkt di e manera chantagioso aki ku spiritu di 30 Mei 1969 i indirekt direkt pueblo di Korsou tambe, ta totalmente inakseptabel. Ku e direkshon di e pais no ta tuma akshon mesora kontra di e sekuestro aki ta un berguensa! Ta asinaki teritorio insular Korsou lo wordu re-kreá den un pais autonomo? Mi ta tene mi kurason, por si akaso un grupo di hende ku nan kabes no ta bon hinka den nan kabes pa pone gobiernu un banda i tuma e mandato den nan mes man!

In the end the population ends up paying, both for the turmoil, and the rescue. 25 aña pasa, esun gobiernu na un dado momento a laga un bunita potjie di kapital di reserva atras. E notorio famoso 60 miyon di MAN, ku a disparsé no muchu despues ku un gobiernu nobo a sinta. 25 aña largu, Korsou a bin ta konstruí un kapital basta grandi di e entradanan di hür di e refineria. Kon grandi e kapital aki ta anno 2010? Ningun hende sa esaki, mientras tabatin tog un komishon ku a investiga tur e propiedadnan di pais i teritorio insular! Unda e raportage, ku a bira un sekreto ansiosamente warda, riba e isla aki, kaminda redu ta skeiru rond, ta? Un tres aña pasa, e fondo mester a skupi lihé i praktikamente sin e autorisashonnan korekto, 40 miyon pa motibu di un kampaña politiko ku preisnan abou di gasoline. Awor ta pa e solushon pa un kompania privá ku yama BOO, ku e fondo mester sangra 10 miyon, mientras ku e akshonistanan ta hala kita! Pa kolmo ata PWFC ta grita na bos haltu, kon ku hoopi kurashi nan a logra e “solushon” aki los for di ningun sosten statutario di e fondo aki di pueblo di Korsou! Ta asinaki teritorio insular Korsou lo wordu re-kreá den un pais autonomo? Mi ta tene mi kurason!

Hitzig Bazur