|
Promoshon pa Enkele Reis Paradijs na televishon Hulandes |
|
|
|
|
Wednesday, 24 February 2010 - 11:39 |
|
Djamars anochi pueblo Hulandes por a sintonisá e di tres transmishon di e programa ‘Enkele Reis Paradijs’ na RTL4. E programa aki ta konsistí di ocho edishon i a wòrdu graba na Kòrsou bou di guia di e famoso kòki Hulandes Herman den Blijker. Promoshon pa e di tres programa a kuminsá pasa na televishon Hulandes pa asina sigui garantisá sintonía amplio pa e programa. Klik read more pa mas informashon...
Den e programa aki nuebe persona lo kompetí ku otro pa e trabou di chefkok na e restorant Papagayo Beachclub ku ta den desaroyo na Jan Thiel. E kòkinan ku ta partisipá na e programa a wòrdu skohé a base di kualidatnan manera gusta aventura, kier emigrá pa Kòrsou i naturalmente tin pashon pa kushiná. Herman den Blijker su programanan ta konosí pa e grado kompetitivo haltu ku ta tèst konosementu riba tereno di Horeca. Entretantu Herman den Blijker a guia i duna konseho na un kantidat grandi di restorant i negoshi na Hulanda.
Por lo ménos 1 mion Hulandes ta sintonisá e programanan di Herman den Blijker pues esaki ta nifiká un promoshon grandi pa Kòrsou segun Ofisina di Turismo.
| Comments () >> |
 |
 |
