| Delegashon di atletismo a regresa ku 1 medalia di oro i 2 di brons for di Jamaica |
|
|
|
| Tuesday, 23 February 2010 - 09:05 | |
E delegshon di atletismo ku a partisipa na e kompetensia di UWI – Invitational na Jamaica fin di siman ultimo a regresa ku 1 medalia di oro i 2 di bons. Bou di kondishonan menos faborabel nos atletanan mester a kompeti ku e Jamaikinonan pa a logra nan meta ku nan a bai ku ne. Klik read more pa mas informashon... Un programa ku a kana hopi for di ora, dor di e kantidat grandi di atleta ku a partisipá den e kompetesia aki. Prinsipalmente riba e evento 100 i 400 m. tabatin hopi seri. Nos tabatin atleta ku tabata programá pa kore 3 or di atardi, pero ta te 8.30 or numa su evento a bini na bùrt. E kompetensianan tabata fuerte i nos atletanan mester a lucha duru. Tabatin partispashon di atleta for di Bahamas tambe. Nos Lie-Marvin Bonefasia a haña e mei mei di dos trabuku di Jamaica manera Asava Powell i Yohan Blake riba 400 m plano. Un bon eksperensia pa nos atletanan i nos tin sigur ku esaki lo kontrobuí na nan desaroyo pa futuro kompetensianan internashonal.
E resultadonan ta lo siguiente; Shamila Daal F bula leu 5.37 m Suyenne Richarson F 100 m 12.79 sec. Vanessa Philbert F 800 m 2.17.23 1e luga kategoria class 3 Licyanne Gijsberta F 400 m 57.61 sec. Hensley Paulina M 100 m 10.81 sec 2e luga kategoria class 2 Nygel dunmpfries M 100 m 11.00 sec 200 m 22.22 sec Dudley Boeldak M bula haltu 1.80 m Quentin Siberie M Bula haltu 2.00 m 3e luga kategoria habri
Lei-Marvin Bonevacia M 400 m 49.59 sec
E kompetensia aki ta forma parti di e preparshon di e delegashon di atletismo ku ta preparando pa ODESUR Games 2010 na Medellín – Colombia dia 19 pa 30 di mart proksimo bou di ouspishon di NAOC |
