Manera sa sosodé tradishonalmente, hopi biaha den un aña kalendario, ser nan kerí den un forma inesperá ta bai for di e mundu aki. Naturalmente ta ser supremo ta esun ku ta tuma e desishon i nos tur tin ku konformá nos mes ku e tin su motibunan pa yama nos sernan kerí tin biaha na un edat relativamente hóben serka dje. 

Pa nos di AMAK, e momentu aki nos nota bai drenta den diskushon kiko ta e motibunan ku a kondusí na e akto kriminal, sino mas bien nos ta konstatá  e doló inmenso ku e akto aki a kousa pa su sernan kerí  i tambe pa e doló kousa di e mundu farandulero en general i muy espesial den seno di e agrupashon musikal TUNE. 

No ta prudente tampoko pa bai sinta buska ningun pensamentunan adishonal tras di un situashon asina tristu. Nos tur ta konsiente ku supladonan aki na Kòrsou ta skars i nos ta kontentu ku 20 pa 25 aña pasa, diferente músiko estranhero, den e kaso aki supladonan, a bandoná nan Isla natal Sto. Domingo i a skohe Kòrsou komo nan segundo patria. 

Nos músikonan tur na Kòrsou a konsiderá e músikonan aki tur un bon yu’i Kòrsou ya ku nan a adaptá nan na nos situashon lokal i semper bai nan tur ta duna un aporte na elevashon di nos bida kultural musikal. 

Meskos ku tabata den e kaso di defuntu Nano, Gaby tambe tabata un dje piesanan importante den e.o  Orkesta nashonal, TUNE, ERA i kualkier formashon musikal ku ke presentá un evento musikal.