Turismo tin mester di pèrsona ku ta sinta “at the right time and at the right place” pa por premirá i atendé ku e vishon korekto e retonan di futuro. 

Awe miéntras nos ta ninga barkunan entrada den nos haf nos isla ruman Sint Maarten a prepará pa futuro i awe ta parker 6 barku den nan largura dilanti di otro riba nan 2 jettienan i ta konta ku un total di mas di 1.5 mion pasahero pa anja.

“St. Maarten’s forward thinking praised at inaugural ceremony”

Dec 10, 2009

“POINTE BLANCHE - St. Maarten is the only port in the Dutch Kingdom capable of accommodating Oasis of the Seas, the world’s largest cruise ship – an accomplishment that was praised by partners in the cruise industry and highlighted by government officials during the ship’s inaugural call here Wednesday. “ 
 
Awe despues ku nos a pèrdè e turismo di karchi di kredit card for di Venezuela aparentemente esnan sinta den puestonan klave di turismo ta warda riba un otro un milager di Dios pa por bust nos turismo. 

Pa mas ku 4 aña te kaminda mi por kòrda ta diskutiendo unda e di 2 Mega Pier tin ku bini sin ku a atendé esaki i tuma desishonnan pa por aktua. A hasi masha fanfara na selebrashon di 25 aña di CPA i anunsiá den e mundu di puertonan na un konferensha ku a tuma lugá na Panamá ku lo a nombra un komishon pa e proyekto “2nd Mega Pier” i ku e proyekto aki lo keda kla na aña 2010 ku awe den 2010 a keda na aros i koko. 

Na 2006 komo diputado di turismo despues di diferente reunionnan na Konferensha di FCCA na Cayman Islands a logra garantisá un oumento di 17% den turismo krusero anto asina durante añanan siguiente logra surpasá e barera di 300 mil turista krusero pero e maneho aki parse tambe  a hanja retraso.  

Den e mundu di turismo krusero tin un dicho anto esaki ta “Build it and they (ships) will come” 

Mester aktua awor i atendé e di 2 Mega Pier pa Kòrsou sin ningun tipo do retraso i red tape di parti esnan ku ta dirigí i tambe goberná den e sektor turístiko aki. 

Si konforme e nesesidat di e industria manera ta konosí ku nan ta opta pa un pir ta den un área kaminda e Turista tin tur e opshonnan na momento di desborda e barku fásil na nan akseso, esaki ta e área di Otrabanda anto e ora ei desishon mester kai anto e konstrukshonnan nesesario tin ku kuminsá inmediatamente. 

No tin mas tempu pa siguí papia siendo ku tur rapòrt i tur kos ta indiká e nesesidat haltisimo pa konstruí nos di 2 Mega Pier pa asina por sigui kibra bareranan di kantidat di bishitante krusero na Kòrsou. 

Ban aktua i stòp di papia sin aktua!