| Naschoolse opvang den bario di Buena Vista i bisindario |
|
|
|
| Wednesday, 10 February 2010 - 08:55 | |
Servisio
pa Komunikashon i Informashon ta duna di konosé ku Gobièrnu Insular
representá pa Diputado di Enseñansa, Kultura i Deporte, Sra. Marilyn
Alcalá-Wallé huntu ku Diputado di Salubridat i Asuntunan Sosial, Sr.
Humphrey Davelaar djamars 9 di febrüari último a firma un akuerdo
di finansiamentu na Fundashon Kristal ku direktor di USONA Sr. Reginald
Doran.
Esaki a tuma lugá den presensia di Sra. Patricia Grollé representante
di Ulanda i sra. Melissa Rosalina direktor di Fundashon Kristal. Tambe
tabata presente miembro di Konseho Insular sr. R. Gomez. E finansiamentu
menshoná ta pa kubri gastunan di un proyekto di naschoolse opvang titulá
“Aktie nu met een Blik op de Toekomst” di kua e fondonan ta wòrdu
pone disponibel den kuadro di SEI.
E proyekto ta un akshon awor aki ku mira riba futuro di nos hóbennan i tin komo meta pa ofresé alumnonan un programa di guia profeshonal, un programa kaminda ta duna formashon di fishi adishonal na alumno i studiantenan den e áreanan kaminda nan tin difikultat pa por kumpli ku e nivel i eksigensianan di su estudio regular. Alabes e programa ta sòru pa un pakete di kuminda balansá na e alumno i studiantenan. Ademas di esei e programa ta duna alumno i studiantenan e formashon kultural i edukashonal ku ta mas esensial. E programa ta duna kaminda ta nesesario guia profeshonal na alumnonan i studiantenan i nan famia sosten riba nivel sikológiko. E proyekto tin un durashon di 2 aña i ta kosta 520.000 florin. |
