| Polis ta pidi koperashon di públiko |
|
|
|
| Tuesday, 09 February 2010 - 14:06 | |
Polis ta supliká
tur persona ku ta kere ku nan tin informashon riba e 2 kasonan di atrako
ku a tuma lugá riba dianan 4 di novèmber 2009 na Lions Dive Hotel
i 15 di desèmber 2009 na Hilton Hotel, pa pasa e informashon
aki pa Polis mesora i durante di 24 ora na e siguiente numbernan:
911 / 8666-124 / 8666-140 / 8666-240
/ 8666-192. Klik read more pa mas informashon...
Relato di e promé kaso: Djarason, 4 di novèmber 2009, alrededor di 3.40’or di mardugá, 4 hòmber a kana drenta den lòbi di Hotèl Lions Dive i mesora 2 di e hòmbernan aki a bai riba un bewaker i kuminsá maltratá e bewaker aki a mar’é na man i pia i despues pone un kusinchi di stul riba su kabes. Miéntras tantu e otro 2 hòmbernan a kana bai den direkshon di un mashin di plaka ku ta situá den e lobi aki mes. Nan a mara e trahadó na ‘frontdesk’ na man i pia.
Djei e sospechosonan
a kibra e ‘bracketnan’ di e mashin di plaka i lastra e mashin di
plaka bai kuné. Nan e move den un SUV probablemente di koló shinishi,
ku despues a resultá
di ta hòrta. A haña e djip aki bek e mesun mainta na Ronde Klip. Djamars, 15 di desèmber 2009, alrededor di 4.35’or di mardugá, 4 hòmber, di kual 2 sigur tabata papia papiamentu bon, kara tapá i ku arma di kandela, a kore yega na entrada di Hotèl Hilton den un outo marka Kia Sportage kolo shinishi i kibra e ‘hefboom’ bai paden. Nan a maltratá e bewaker i mar’é na man i pia. Despues di e akto aki e sospechosonan a bèk e djip den e lòbi i dal e mashin di plaka ku e djip. Djei nan a hisa e mashin, bent’é den e djip i kore bai. A haña e mashin di plaka di Hotèl Hilton den luna di desèmber mes pariba di e mulinanan na Playa Kanoa.
E djip aki
tambe a resultá di ta un djip hòrtá. A haña e djip aki dos siman
despues na Kurá Tabak.
Tur tep ku
tin riba e kasonan aki ta keda bon bini.
|
