| Tiramentu ku un (1) herido |
|
|
|
| Monday, 08 February 2010 - 22:30 | |
Djaluna, 8
febrüari 2010 alrededor di 20.35’or Sentral di Polis a dirigí
un patruya na Muizenberg
na altura di e dam pa un kaso di tiramentu. Na e sitio e patruya a bin
topa ku un hòmber ku herida di bala na bèl robes. A transportá e
víktima pa Poliklinik di St. Elisabeth hospital ku ambulans di Cems
den un estado di shòk dor ku el a pèrdè hopi sanger. Klik read more pa mas informashon...
For di un investigashon preliminar a resultá ku e hòmber M.J.F.S. nasé na Kòrsou di 28 aña di edat tabata sinta den su outo dilanti di un snek na altura di Kaya Merida i un persona probablemente konosí pe lo mester a tir’é na su bèl pa un motibu ku te na e momentonan aki ta deskonosí.
Departamentu
di Reshèrshi ta kontinuá ku e investigashon. Teps: Tur tep ku tin riba e kaso aki ta keda bon bini. Ta supliká tur persona ku ta kere ku nan tin informashon riba e kaso aki, pa pasa e informashon aki pa Reshèrshi na numbernan: 8666-218/8666-219(ora di kantor) òf 911 (24 ora pa dia). Number anónimo: 108 (e number aki ta duna tur garantia di anonimidat). |
