| Festival Kaya 9 kanselá pa motibunan logístiko |
|
|
|
| Monday, 08 February 2010 - 16:13 | |
Ofisina di Turismo (CTB) ta anunsiá ofisialmente ku e aktividat
karnavalesko ‘Kaya 9’ lo no tuma lugá e aña aki. Motibu pa kanselá
e aktividat aki tabata despues ku outoridatnan polisial a evaluá e
situashon logístiko i a konkluí ku no ta posibel pa e organisadónan
haña pèrmit. Klik read more pa mas informashon...
Konstrukshon di e ‘parkeerplaats’ nobo dilanti Parkeerplaats
Marichi a pone ku a bira imposibel pa desviá tráfiko den direkshon
di Punda via di otro kaminda. Ofisina di Turismo e aña aki a traspasá
organisashon di e evento den man di un tersero i manera a splika mas
ariba e organisadó lamentablemente no a logra keda kla ku e pèrmitnan
nesesario. Temporada di karnaval ta unu kargá ku aktividat pues un
kantidat grandi di turista ta bishitá Kòrsou pa eksperenshá e fiesta
kultural di mas grandi ku nos isla konosé. Laga nos duna e turistanan
un bon bini kaluroso i sòru pa e turista bai bek ku e sintimentu di
ke bolbe bin Kòrsou den futuro. Ofisina di Turismo ta probechá di
e oportunidat aki pa deseá pueblo di Kòrsou un felis temporada di
Karnaval, i ta spera próksimo aña Kaya 9 lo por tuma lugá.
|
